އިސްލާމީ މަރުކަޒުގެ މުންނާރު ކައިރީ އޮތް މަސްފެންގަނޑު ސްޓެލްކޯގެ ފަރާތުން މަރާމާތުކޮށް ނިންމައި އިސްލާމިކް މިނިސްޓްރީއާ ހަވާލުކޮށްފި އެވެ.
ސްޓެލްކޯ އިން އެ މަސްފެންގަނޑު މަރާމާތުކުރީ އެ ކުންފުނީގެ ސީއެސްއާރް ޕްރޮޖެކްޓެއްގެ ގޮތުގަ އެވެ.
މަސްފެންގަނޑު ހަވާލުކުރުމަށް މިއަދު ބޭއްވި ރަސްމިއްޔާތުގައި ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީ އާއި އެ މަސައްކަތުގައި އުޅުނު މުވައްޒަފުންނާއި އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު އާއި އެ މިނިސްޓްރީގެ ބޭފުޅުން ބައިވެރިވެ ވަޑައިގެންނެވި އެވެ.
އިސްލާމީ މަރުކަޒުގެ މުންނާރު ވަށައިގެން އޮންނަ މަސްފެންގަނޑު ހެދުމުގެ މަސައްކަތާ ސްޓެލްކޯ އިން ހަވާލުވީ އެ މަސައްކަތް ކޮށްދޭނެ ބަޔަކު ހޯދުމަށް އިސްލާމިކް މިނިސްޓްރީން ކުރި އިއުލާން ބާތިލްކުރި ފަހުންނެވެ.
އިސްލާމީ މަރުކަޒު ހުޅުވީ ނޮވެމްބަރު 11، 1984 ގަ އެވެ.