މިއަހަރު ނިމޭއިރު އެމްޕީއެލްގެ އާމްދަނީ 100 މިލިއަން ރުފިޔާއަށް އިތުރު ކުރުމަކީ އަމާޒެއް ކަމަށް އެމްޕީއެލްގެ ސީއީއޯ މުހައްމަދު ވަޖީހު ވިދާޅުވެއްޖެ އެވެ.
ދައުލަތުގެ މީޑިއާގައި ވާހަކަ ދައްކަވަމުން ވަޖީހު ވިދާޅުވީ ކުންފުނީގެ މަސައްކަތް ރަނގަޅުކޮށް ފައިދާ އިތުރުކުރުމަށް ކުރަމުންދާ މަސައްކަތުގެ ތެރެއިން ފާއިތުވި އެއް އަހަރު ތެރޭގައި ހިދުމަތްތައް ރަނގަޅުކުރުމުގެ މަސައްކަތުގެ ތެރެއިން ގިނަ ކަންތައްތަކެއް ކުރެވިއްޖެ ކަމަށެވެ.
ވަޖީހް ވިދާޅުވީ ފަސޭހަކަމާ އެކު ހިދުމަތް ދިނުމަށްޓަކައި ކޮންޓެއިނަރުތަކަށް ޖާގަ އިތުރުކުތެރިފައިވާ ކަމަށާއި އެ ބަދަލާ އެކުވެސް އާމްދަނީ އިތުރުކުރެވިފައިވާ ކަމަށެވެ. އެގޮތުން ކުރިން މަހެއްގެ މައްޗަށް ލިބުނު އާމްދަނީ އިތުރުވެ 92 މިލިއަން ރުފިޔާއަށް މަހެއްގެ އާމްދަނީ އިތުރު ވެފައިވާ ކަމަށެވެ.
"އެހެންވެ މިއަހަރު ނިމޭއިރު މަހެއްގެ އާމްދަނީ 100 މިލިއަން ރުފިޔާ އިތުރުކުރުމަކީ އަމާޒެއް،" ވަޖީހް ވިދާޅުވި އެވެ.
ވަޖީހް ވިދާޅުވި ގޮތުގައި އެމްޕީއެލް އަށް މީގެ ކުރިން މަހެއްގެ މައްޗަށް އާމްދަނީގެ ގޮތުގައި ލިބެނީ 60 އާއި 70 މިލިއަން ރުފިޔާއާ ދެމެދުގެ އާމްދަނީ އެކެވެ.
މެރިޓައިމް ދާއިރާ ފުޅާކޮށް ރާއްޖޭގެ އިގުތިސާދު ފުޅާކުރުމަކީ އިސްކަންދޭ ކަމެއް ކަމަށްވެސް ވަޖީހް ވިދާޅުވި އެވެ. އަދި ސަރުކާރުގެ ސިޔާސަތުތަކުގެ ތެރެއިން އެމްޕީއެލް އިން ފަށާފައިވާ އާ ވިޔަފާރިތަކާ އެކު ރާއްޖެގެ އިގްތިސާދަށް ހެޔޮ ބަދަލުތަކެއް އަންނާނެ ކަމަށްވެސް ވިދާޅުވި އެވެ.
އެމްޕީއެލްގެ އާމްދަނީ އިތުުރު ކުރުމަށް ގިމަސައްކަތް ތަކެއް ކުރަމުންދާކަން ފާހަގަކުރައްވާ ވަޖީހު ވިދާޅުވީ ބަންކަރިންގެ ހިދުމަތާއި ސީޓުއެއާ ކާގޯގެ ހިދުމަތް ފެށިގެން ދިއުމަކީ ކުންފުނީގެ ހިދުމަތްތައް ފުޅާވެ އާމްދަނީވެސް އިތުރު ވެގެންދިޔަ ކަމެއް ކަމަށެވެ.