ޖޯލި ރިސޯޓުގެ "ޖޯލި ބީއިން" ބައެއް ވިލާތައް ފަސް މިލިއަން ޑޮލަރު -- 77 މިލިއަން ރުފިޔާއަށް ވިއްކަން ނިންމާ ގަންނަން ޝައުގުވެރިވާ ފަރާތްތަކަށް ފުރުސަތު ހުޅުވާލައިފި އެވެ.
ވެލާނާ އިންޓަނޭޝަނަލް އެއާޕޯޓުން ފުރައިގެން 40 މިނެޓުން ދެވޭ ހިސާބު ދުރުގައި އޮންނަ ޖޯލި ރިސޯޓުން މިކަން ކުރަނީ "އައިލެންޑް ހޯމްސް"ގެ ނަމުގައި ޕެކޭޖެއް ތައާރަފްކޮށްގެންނެވެ.
ވިއްކަން ހުޅުވާލި ބީޗް އަދި ވޯޓާ ވިލާތަކުގެ ތެރޭގައި އެއް ކޮޓަރިން ފެށިގެން ހަތަރު ކޮޓަރިއާ ދެމެދުގެ ވިލާތައް ހުރެ އެވެ.
ދިގު މުއްދަތަކަށް ދޫކޮށްލާ މި ވިލާތައް ގަންނަ ފަރާތްތަކަށް އެ ތަންތަން މެނޭޖުކޮށްދޭނީ ޖޯލި ރިސޯޓުންނެވެ.
ޖޯލި ބީއިން ރިސޯޓު 68 ވިލާއާ އެކު ހުޅުވީ މީގެ ތިން އަހަރު ކުރިން 2021 ގައެވެ.