އެމެރިކާގެ އިންތިޚާބީ ރައީސް، ޑޮނަލްޑް ޓްރަމްޕަށް އޮތް ނުރައްކާ އަދިވެސް ނެތިގެން ނުދާ ކަމަށް ދެކެވަޑައިގަންނަވާ ކަމަށް ރަޝިއާގެ ރައީސް، ލަޑިމިއާ ޕޫޓިން ވިދާޅުވެއްޖެ އެވެ.
ކަޒަކިސްތާންގެ ވެރިރަށް އާސްތާނާގައި އޮތް "ކަލެކްޓިވް ސެކިޔުރިޓީ ޓްރީޓީ އޮގަނައިޒޭޝަން" (ސީއެސްޓީއޯ) ސަމިޓްގެ ބައިވެރިންނާ މުޚާތަބުކުރައްވައި ޕޫޓިން ދެއްކެވި ވާހަތަކުގައި -- އެމެރިކާގެ ތާރީޚްގައި، ރައީސުންނާ މެދު ގޮތް ނޭނގޭ ހަރަކާތްތަކެއް ހިނގާފައިވާ ކަމަށް ވިދާޅުވި އެވެ.
ރިޔާސީ އިންތިޚާބަށް ޓްރަމްޕް ކެމްޕޭންކުރެއްވިއިރު، އެކަށީގެންވާ ވަަރުގެ ރައްކާތެރިކަމެއް ޑޮނަލްޑް ޓްރަމްޕަށް -- އަދި އޭނާގެ އާއިލާއަށް ދެވިފައި ނުވާ ކަމަށްވެސް ޕޫޓިން ވިދާޅުވި އެވެ.
އެމެރިކާގެ ސަލާމަތީ އިދާރާތަކުން ޓްރަމްޕާ ދޭތެރޭ ކަންތައްތައް ކުރެއްވީ، އެއްގޮތަަކަށް ވެސް ގަބޫލުކުރެވޭނެ ފެންވަރުގައި ނޫން ކަމަށްވެސް ޕޫޓިން ވިދާޅުވި އެވެ.
ޕޫޓިން ވިދާޅީ ޓްރަމްޕަކީ އޭރު ރިޔާސީ ކެންޑިޑޭޓެއް ކަމަށެވެ. ރިޔާސ ކެންޑިޑޭޓުންނަކީ ހަމަލާތައް އަމާޒުވާ ބައެއް ކަމަށް އޭނާ ވިދާޅުވި އެވެ. އެމެރިކާގެ އަމަން ބަލަހައްތާ އިދާރާތަކަށް މިވަރު ނޭނގެނީތޯ ޕޫޓިން ސުވާލުކުރެއްވި އެވެ.
ޓްރަމްޕަކީ ހޭލުންތެރި އަދި ރޭވުންތެރި ލީޑަރެއް ކަމަށް ޕޫޓިން ވިދާޅުވި އެވެ. އެހެނެއް ކަމަކު އެމެރިކާއަށް ފައިދާ ނެތް ކަމެއްގައި ޓްރަމްޕް ވެސް ޝާމިލުވެވަޑައިނުގަންނަވާނެ ކަމަށް އޭނާ ވިދާޅުވި އެވެ.
އެމެރިކާގައި ނޮވެމްބަރު ފަހެއްގައި އޮތް ރިޔާސީ އިންތިޚާބަށް ކެންޑިޑޭޓުން ކެމްޕޭންކުރިއިރު، ޑިމޮކްރެޓިކް ކެންޑިޑޭޓް ޑޮނަލްޑް ޓްރަމްޕަށް އަމާޒުކޮށް ހަމަލާތަކެއް ވަނީ ދީފަ އެވެ.
ޕެންސިލްވޭނިއާގައި ޖުލައި 13 ގައި ޓްރަމްޕް ކެމްޕޭންކުރައްވަނިކޮށް 150 މީޓަރު ދުރުން މީހަކު ޖެހި ބަޑިއެއްގެ އުންޑަ ޓްރަމްޕްގެ ވާތު ކަންފަތަށް ވަނީ އަރާފަ އެވެ.
ރަޝިއާގެ ރައީސް ލަޑިމިއާ ޕޫޓިން ދެކެވަޑައިގަންނަވާ ގޮތުގައި، ވެރިކަމުގައި ހުންނަވާ ރައީސުން އަވަހާރަކޮށްލުމުގެ ރެކޯޑެއް އެމެރިކާއި އޮންނާނެ އެވެ. ރަޢީސުންނާ ހެދި ވަކި ބަޔަކަށް ދަތިވެއްޖެ ނަމަ އޮންނަނީ އޭނާ ދުނިޔެއިން ދުއްވާލުމުގެ ވިސްނުން ކަމާށް އެނާ ވިދާޅުވި އެވެ.