ރާއްޖެއިން މަސް އެކްސްޕޯޓްކުރި މިންވަރު ދަށަށް ހިނގައްޖެ އެވެ.
މަރުކަޒީ ބޭންކް -- މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ތަފާސްހިސާބުތައް ދައްކާ ގޮތުން މި އަހަރުގެ ޖެނުއަރީ އިން އޮކްޓޫބަރުގެ ނިޔަލަށް ރާއްޖެއިން ބޭރުކޮށްފައިވަނީ 33،994 މެޓްރިކް ޓަނުގެ މަހެވެ.
މިއީ ފާއިތުވި 2023 ވަނަ އަހަރުގެ މި މުއްދަތުގައި ރާއްޖެއިން ބޭރުކުރި 63،071 މެޓްރިކް ޓަނުގެ މަހާ އަޅާބަލާއިރު 29،076 މެޓްރިކް ޓަނު -- 46.1 ޕަސެންޓް މަދު އަދަދެކެވެ.
މަހުގެ އެކްސްޕޯޓް 2023 އަދި 2024
- ޖެނުއަރީ 2023: 8،574 މެޓްރިކް ޓަނު | ޖެނުއަރީ 2024: 4،475 މެޓްރިކް ޓަނު
- ފެބްރުއަރީ 2023: 7،149 މެޓްރިކް ޓަނު | ފެބްރުއަރީ 2024: 6،051 މެޓްރިކް ޓަނު
- މާޗް 2023: 11،975 މެޓްރިކް ޓަނު | މާޗް 2024: 3،760 މެޓްރިކް ޓަނު
- އެޕްރީލް 2023: 7،383 މެޓްރިކް ޓަނު | އެޕްރީލް 2024: 4،745 މެޓްރިކް ޓަނު
- މޭ 2023: 9،648 މެޓްރިކް ޓަނު | މޭ 2024: 4،351 މެޓްރިކް ޓަނު
- ޖޭން 2023: 6،910 މެޓްރިކް ޓަނު | ޖޫން 2024: 3،494 މެޓްރިކް ޓަނު
- ޖުލައި 2023: 3،189 މެޓްރިކް ޓަނު | ޖުލައި 2024: 1،099 މެޓްރިކް ޓަނު
- އޮގަސްޓް 2023: 1،848 މެޓްރިކް ޓަނު | އޮގަސްޓް 2024: 2،174 މެޓްރިކް ޓަނު
- ސެޕްޓެމްބަރު 2023: 2،083 މެޓްރިކް ޓަނު | ސެޕްޓެމްބަރު 2024: 1،916 މެޓްރިކް ޓަނު
- އޮކްޓޫބަރު 2023: 4،310 މެޓްރިކް ޓަނު | ސެޕްޓެމްބަރު 2024: 1،925 މެޓްރިކް ޓަނު
ރާއްޖެއިން މި އަހަރު އެންމެ ގިނައިން އެކްސްޕޯޓް ކުރީ ކަޅުބިލަ މަހެވެ.
އެ ގޮތުން އޮކްޓޫބަރުގެ ނިޔަލަށް ތާޒާ އަދި ގަނޑުކުރި ކަޅުބިލަ މަހުގެ ގޮތުގައި 19،614 މެޓްރިކް ޓަނުގެ މަސް އެކްސްޕޯޓްކޮށްފައިވެ އެވެ.
ރާއްޖެއިން މި އަހަރުގެ އޮކްޓޫބަރުގެ ނިޔަލަށް 7،632 މެޓްރިކް ޓަނުގެ ރީނދޫ އުރަހަ ކަންނެލި އެކްސްޕޯޓްކޮށްފައިވާއިރު މަސްދަޅު އަދި ޕޯޗްޑްގެ ގޮތުގައި 4،802 މެޓްރިކް ޓަނުގެ މަސް އެކްސްޕޯޓްކުރި އެވެ.