ރާއްޖެއިން މި އަހަރުގެ ޖެނުއަރީ އިން ނޮވެމްބަރުގެ ނިޔަލަށް އެކްސްޕޯޓުކުރި މުދަލުގެ އަގު މިދިޔަ އަހަަރުގެ މި މުއްދަތާ އަޅާބަލާއިރު 7.7 ޕަސެންޓް ދަށަށް ހިނގައްޖެ އެވެ.
މަރުކަޒީ ބޭންކް -- މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ތަފާސްހިސާބުތައް ދައްކާ ގޮތުން މި އަހަރުގެ ޖެނުއަރީ އިން ނޮވެމްބަރުގެ ނިޔަލަށް ރާއްޖެއިން ވަނީ 309.4 މިލިއަން ޑޮލަރުގެ މުދާ އެކްސްޕޯޓްކޮށްފަ އެވެ.
މި އަދަދު މިދިޔަ އަހަރުގެ މި މުއްދަތުގައި ހުރީ 335.2 މިލިއަން ޑޮލަރުގަ އެވެ.
ރާއްޖެއިން މައިގަނޑު ގޮތެއްގައި އެކްސްޕޯޓްކުރަނީ ކަނޑުމަހާއި މަހުގެ އުފެއްދުންތަކެވެ.
މަސް އެކްސްޕޯޓް ކުރި މިންވަރުވެސް ވަނީ 2023 ވަނަ އަހަރާއި އަޅާބަލާއިރު މި އަހަރު ދަށަށް ގޮސްފަ އެވެ.
އެ ގޮތުން މިއަހަރުގެ ނޮވެމްބަރުގެ ނިޔަލަށް އެކްސްޕޯޓްކޮށްފައިވާ ކަނޑުމަހުގެ އުފެއްދުންތަކުގެ އަގަކީ 68.7 މިލިއަން ޑޮލަރެވެ. ނަމަވެސް މިދިޔަ އަހަރުގެ މި މުއްދަތުގައި 123 މިލިއަން ޑޮލަރުގެ ކަނޑުމަހުގެ އުފެއްދުން އެކްސްޕޯޓްކޮށްފައިވެ އެވެ.