އުރީދޫ މޯލްޑިވްސްގެ ކަސްޓަމަރުންނަށް ހާއްސަކޮށް ހުޅުވާލައިގެން، ދޯހާ މެރެތަންގައި ދުވުމުގެ ދެ ފުރުސަތު ލިބޭ ލަކީ ޑްރޯގެ ނަސީބުވެރިން އިއުލާނުކޮށްފި އެވެ.
ދޯހާ މެރެތަން އޮންނާނީ އަންނަ އަހަރުގެ ޖެނުއަރީ 17 ވަނަ ދުވަހު ގަތަރުގެ ވެރިރަށް ދޯހާ އެވެ.
މެރަތަންގައި ބައިވެރިވުމަށް ލަކީޑްރޯއިން ހޮވިފައިވާ ދެ މީހުންނަކީ މުހައްމަދު އަޒްހަދު އަހްމަދު އަދި ތޯރިގު މުހައްމަދެވެ.
މިލަކީޑްރޯގައި ބައިވެރިވުމަށްޓަކައި އުރީދޫ ވެބްސައިޓް މެދުވެރިކޮށް ފުރުސަތު ހުޅުވާލީ މިދިޔަ އޮކްޓޫބަރު 26 އިން ނޮވެމްބަރު 26 ވަނަ ދުވަހުގެ ރޭގަނޑު 11:59 އާއި ހަމައަށެވެ.
ލަކީ ޑްރޯއިން ހޮވުނު ފަރާތްތަކަށް ކަނޑައެޅި ޝަރުތުތައް
- އުރީދޫ މޯލްޑިވްސްގެ ކަސްޓަމަރެއްގެ ގޮތުގައި މަދުވެގެން އެއް އަހަރު ދުވަހު ހުރުން
- ދޯހާ މެރެތަންގައި ހާފް މެރެތަންއެއް ނުވަތަ މެރެތަންއެއް ދުވުމުގެ ސިއްހީ ގާބިލްކަން ހުރުން
- މީގެ ކުރިން ހާފް މެރެތަންއެއް ނުވަތަ މެރެތަންއެއް ދުވެފައިވުން
- - ގަތަރަށް އެތެރެވުމުގެ ޝަރުތުތައް ފުރިހަމަވާ ދިވެހި ޕާސްޕޯޓެއް އޮތުން
- 26 ނޮވެމްބަރ 2024ގެ 23:59ގެ ކުރިން ލަކީ ޑްރޯގައި ބައިވެރިވުން
އުރީދޫ މޯލްޑިވްސްގެ ފަރާތުން އެ ކުންފުނީގެ ކަސްޓަމަރުން ދޯހާ މެރަތަން އަށް ފޮނުވާ މިއީ ދެވަނަ ފަހަރެވެ.