ބޮލީވުޑްގެ އެކްޓަރު ސަލްމާން ހާންގެ ފިލްމެއް ޝޫޓް ކުރަމުން ދަނިކޮށް އެތަނަށް ގަވާއިދާ ހިލާފަށް ވަދެފައިވާ މީހަކު ހައްޔަރުކޮށްފި އެވެ.
ރިޕޯޓްތައް ބުނާ ގޮތުން އެތަނުގައި ގަވާއިދާ ހިލާފަށް އުޅުނު މީހާ ހުއްޓުވުމުން އޭނާ ވަނީ ލޯރެންސް ބިޝޯނީ އަށް ގުޅަންވީތޯ ސުވާލުކޮށްފަ އެވެ.
ލޯރެންސް ބިޝޯނީ އަކީ އިންޑިއާގެ ނުރައްކާތެރި ގޭންގްސްޓާރެކެވެ.
ބިޝޯނީގެ ގޭންގުން ވަނީ ސަލްމާން ހާންގެ ވަރަށް ގާތް އަދި އިންޑިއާގެ ސިޔާސީ ބޭފުޅެއް ކަމަށްވާ ބާބާ ސިއްދީގުގެ ގަޔަށް ބަޑިޖަހައި މަރާލުމުގެ ޒިންމާވެސް ނަގާފަ އެވެ.
ސަލްމާން ހާންގެ ފިލްމް ސެޓަށް ވަދެގަނެގެން އުޅުނު މީހާއާ އިތުރު ސުވާލުކުރުމަށް ވަނީ ޝިވާޖީ ޕާކް ޕޮލިސް ސްޓޭޝަނަށް ގެންގޮސްފަ އެވެ.
މި ހާދިސާ ހިނގާފައިވަނީ ސަލްމާން ހާނަށް ތަކުރާރުކޮށް މަރުގެ އިންޒާރު ލިބެމުން ދަނިކޮށެވެ. މިކަމާ ގުޅިގެން ސަލްމާން ވަނީ ބްލެޓްޕްރޫފް ކާރެއްވެސް ގަނެފަ އެވެ.
ސަލްމާން ހާނަށް މަރުގެ އިންޒާރު ދެމުންދަނީ އިންޑިއާގައި ހިމާޔަތްކޮށްފައިވާ ފުއްލާގެ ވައްތަރެއް ކަމަށްވާ ޗިންކާރާތަކެއްގެ ގަޔަށް ބަޑި ޖަހައި މަރާލި މައްސަލައި ގައެވެ. މިއީ 1998 ވަނަ އަހަރު ހިނގި ހާދިސާ އެކެވެ.