ގާނޫނު އަސާސީ އިސްލާހުކޮށްފައިވާތީ، މަޖިލީހުގެ މެންބަރުކަމަށް ހޮވޭ ޕާޓީ ނޫން ޕާޓީއަކަށް ސޮއިކޮށްފިނަމަ މެމްބަރުކަމުން އިސްތިއުފާ ދޭންޖެހޭނެ ކަމަށް ބުނާ އެންޓި ޑިފެކްޝަން ގާނޫނުގެ މާއްދާ ބާތިލް ކުރަން ހައިކޯޓަށް ހުށަހެޅި މައްސަލަ އެ ކޯޓުން ބޭރުކޮށްލައިފި އެވެ.
އެންޓި ޑިފެކްޝަން ގާނޫނަށް ގެނެސްފައިވާ އިސްލާހު ބާތިލު ކުރަން އަމިއްލަ މީހަކު ހައިކޯޓަށް ހުށަހެޅީ ގާނޫނު އަސާސީގައި އެކަމާ ގުޅޭ މާއްދާތައް ހިމެނުމުގެ ކުރިންނެވެ.
އެ މައްސަލަ ހުށަހެޅީ ނޮވެމްބަރު މަހުގެ 18 ވަނަ ދުވަހު މުހައްމަދު އަނީސް ކިޔާ މީހެކެވެ. ގާނޫނު އަސާސީއަށް އިސްލާހު ގެނައި އޭނގެ ފަހުންނެވެ.
މުހައްމަދު އަނީސް ކިޔާ މީހަކު ހުށަހެޅި، މަޖިލީހުގެ މެންބަރުކަމަށް ހޮވޭ ޕާޓީ ނޫން ޕާޓީއަކަށް ސޮއިކޮށްފިނަމަ މެމްބަރުކަމުން އިސްތިއުފާ ދޭންޖެހޭނެ ކަމަށް ބުނާ އެންޓި ޑިފެކްޝަން ގާނޫނުގެ މާއްދާ ބާތިލް ކުރަން ހައިކޯޓަށް ހުށަހެޅި މައްސަލަ އެ ކޯޓުން ބޭރުކޮށްލީ، އެ އިސްލާހުތައް ގާނޫނު އަސާސީގައި މިހާރު ހިމަނާފައިވާތީ ކަމަށް ހައިކޯޓުގެ ރަޖިސްޓްރާ ރަޖިސްޓްރާ ނިންމެވި ނިންމެވުމުގައި ބަޔާންކޮށްފައިވެއެވެ.
އެންޓި ޑިފެކްޝަން ގާނޫނު ބުނާގޮތުން ވަކި ސިޔާސީ ޕާޓީއެއްގެ ޓިކެޓުގައި ވާދަކޮށްގެން މަޖިލީހަށް ހޮވުމަށްފަހު އެ ދައުރެއްގެ ތެރޭގައި އެޕާޓީގެ މެމްބަރުކަމުން އިސްތިއުފާ ދީފި ނަމަ، ހަތް ދުވަހުގެ ތެރޭގައި މަޖިލީހުގެ މެމްބަރުކަމުން އިސްތިއުފާ ދޭންޖެހޭނެ އެވެ. ގާނޫނު ބުނާގޮތުން އިންތިހާބުވި ޕާޓީ ނޫން އެހެން ޕާޓީއަކަށް ސޮއިކުރުމުންވެސް ހަތް ދުވަހުގެ ތެރޭގައި މަޖިލީހުގެ މެމްބަރުކަމުން އިސްތިއުފާ ދޭންޖެހޭނެކަމަށެވެ. އަދި ޕާޓީއަކުން އެ މެމްބަރަކު ވަކިކޮށްފި ނަމަވެސް އިސްތިއުފާ ދޭންޖެހެއެވެ. ގާނޫނުގެ މި ބައި ބާތިލްކުރަން ހުށައެޅި މައްސަލާގައި ބުނެފައިވަނީ ޕާޓީ ބަދަލުކޮށްފި މެމްބަރަކަމުން އިސްތިއުފާ ދޭންޖެހޭނެ ކަމަށް ގާނޫނުގައި ބުނާ ބުނުން ގާނޫނުއަސާސީއާ ހިލާފަށް ކަމަށެވެ.
މި މައްސަލަ ހުށަހަޅާފައިވަނިކޮށް މަޖިލީހުންވަނީ ގާނޫނު އަސާސީއަށް އިސްލާހު ގެނެސް، އެ ކަންކަން ގާނޫނު އަސާސީގައި ހިމަނާފައެވެ. ގާނޫނު އަސާސީއަށް ގެނެސްފައިވާ އިސްލާހުތަކުގެ މައްސަލަ އޮތީ ސުޕްރީމް ކޯޓަށް ހުށަހަޅާފަ އެވެ. އެ މައްސަލައިގެ އަޑު އެހުންތަކެއް އަދި ސުޕްރީމް ކޯޓުގައި ނުފަށަ އެވެ.