އެމްޑީޕީގެ ސަރުކާރުން ކުރިއަށް ގެންދިޔަ ބިންވެރިޔާ ސްކީމުގެ ތެރެއިން ގޯތި ލިބުނު މީހުންގެ ލިސްޓުގައި ނެތް ބަޔަކަށް ގޯތި ދޫކުރި ކަމަށް ބުނާ މައްސަލައެއް ތަހުގީގުކުރަން ފުލުހުން، އެޗްޑީސީ އަށް ވަދެއްޖެ އެވެ.
ފުލުހުން މިއަދު މީޑިއާއަށް ފޮނުވި މެސެޖެއްގައި ބުނެފައިވަނީ "ންވެރިޔާ ސްކީމްގެ ދަށުން ގޯތި ނުލިބޭ ބަޔަކަށް އެޗްޑީސީ އިން ގޯތިތަކެއް ދީފައިވާ ކަމަށް ބެލެވޭ މައްސަލައެއް ފެންމަތިވެފައިވާތީ އެ މައްސަލައިގެ ޖިނާއީ ތަހުގީގެއް ފުލުހުން ކުރަމުންދާ ކަމަށެވެ.
ހުޅުމާލޭގައި ހުންނަ އެޗްޑީސީގެ ހެޑް އޮފީހަށް ފުލުހުންހެ ހާއްސަ ޓީމެއް ވަނީ މިއަދު ހަވީރު 5:00 ޖަހާއެހާއިރު އެވެ.
ބިންވެރިޔާ ސްކީމުގެ ލިސްޓުގައި ނެތް ބަޔަކަށް ގޯތިތަކެއް ދޫކުރި ކަމަށް ބުނާ މައްސަލަ ފެންމަތިވީ އެގޮތަށް ދޫކުރި ގޯތިތަކުގެ އިންފާރު ރޭނުމުގެ ހުއްދައަށް އެދި އެޗްޑީސީ އިން ހައުސިން މިނިސްޓްރީގައި އެދުމުން އެ ގޯތިތަކަކީ ބިންވެރިޔާ ސްކީމްގެ ދަށުން ގޯތި ހޯދަންވެސް އެދުނު ބައެއް ނޫން ކަމަށް ހައުސިން މިނިސްޓްރީ އިން އެޗްޑީސީ އަށް ލިޔުމުން ދިން ޖަވާބު ސޯޝަލްމީޑިއާގައި އާންމުވުމާ ގުޅިގެންނެވެ.
ލިޔުންތަކެއް އަސްލާ އެއްގޮތަށް އުފައްދައިގެން ނުވަތަ ފޯޖުކޮށްފައިވާ ލިޔުންތަކެއް ބޭނުންކޮށްގެން ގޯތި ދޫކޮށްފައިވާ ކަމަށް ބުނާ މީހުންގެ ތެރޭގައި އެޗްޑީސީގެ މެނޭޖިން ޑިރެކްޓަރު ފަޒުލް ރަޝީދުގެ ބޭބެ ފަޒީލް ރަޝީދުވެސް ހިމެނެ އެވެ.
މިމައްސަލައިގައި އެޗްޑީސީ އިން އަދި ވަކި އެއްޗެއް ނުބުނެ އެވެ.