ދިވެހީންގެ އެއްބައިވަންތަކަމުގެ ދުވަސް ފާހަގަކުރުމުގެ ގޮތުން ސުނާމީ ކާރިސާގައި މަރުވި މީހުންނާއި ގެއްލުނު މީހުންގެ ހަނދާނުގައި ސުކޫތެއް ގެނެސްފި އެވެ.
މި ސުކޫތު ގެނެސްފައިވަނީ ސުނާމީގެ ރާޅު 2004 ވަނަ އަހަރު ރާއްޖެއަށް އެރިކަމަށް ރިކޯޑްކުރެވިފައިވާ ގަޑިކަމުގައިވާ ހެނދުނު 9:23 ގަ އެވެ.
މި ސުކޫތުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު އާއި ނައިބުރައީސް ހުސައިން މުހައްމަދު ލަތީފުގެ އިތުރުން ވަޒީރުންނާއި ސަރުކާރުގެ އިސް ބޭފުޅުންގެ ބައިވެރިވެ ވަޑައިގެންނެވި އެވެ.
މީގެ އިތުރުން މާލެ ސަރަޙައްދުގެ ސަރުކާރު އޮފީސްތަކުގެ މުވައްޒަފުންވެސް އޮފީސްތަކުން ބޭރަށް ނިކުމެ މި ސްކޫތުގައި ބައިވެރިވި އެވެ.
ސުނާމީގައި ރާއްޖޭގައި މީހުން ދިރިއުޅޭ ނުވަ ރަށެއް ފިޔަވައި އެހެން ހުރިހާ ރަށަކަށް އަސަރުކުރި އެވެ.
ސުނާމީގައި 82 ދިވެހިން މަރުވެ 26 ދިވެހިން ވީނުވީއެއް ނޭނގި ގެއްލި، 15،000 މީހުންގެ ގެދޮރު ގެއްލުނެވެ