ކީރިތި ޤުރުއާން ހިތު ދަސްކުރާ މީހުން ދަސްވެނިވުމަށް ކޮންމެ އަހަރަކުވެސް ރޯދަ މަހު ހާއްސަ ހަފުލާއެއް ބާއްވަން ނިންމައިފި އެވެ.
އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވި ގޮތުގައި މި ހަފުލާ އޮންނާނީ ކޮންމެ އަހަރެެއްގެ ރޯދަ މަހުގެ 27 ވިލޭރޭ އެވެ.
"ދަސްވެނިންނަށް ހާއްސަ ގައުނެއް ވެސް ތައްޔާރުކުރެވޭނެ،" މިނިސްޓަރު ޝަހީމް ވިދާޅުވި އެވެ.
މިނިސްޓަރު ޝަހީމް ވަނީ މީގެ ފުރަތަމަ ޙަފްލާ މި އަންނަ ރޯދަ މަހުގެ 27 ވިލޭރޭ އޮންނާނެ ކަމަށް ވިދާޅުވެފަ އެވެ.
ޤުރުއާން ހިތުދަސްކުރާ ހާފިޒުންނަށް މެޑެލްގެ އިތުރުން ހަނދާނީ ލިޔުމާއި އިނާމު ދަނީ ދެމުންނެވެ.
އެގޮތުން ރާއްޖެ އިސްލާމްވި ދުވަސް ފާހަގަކުރުމަށް މިއަހަރުގެ އޮކްޓޫބަރު މަހު ބޭއްވި ރަސްމީ ޖަލްސާގައި ގުރުއާން ހިތުދަސްކުރި 28 ހާފިޒުންނަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު، މެޑައްޔާއި ހަނދާނީ ލިޔުމާއި އިނާމު ވަނީ ދެއްވާފަ އެވެ.
މީގެ އިތުރުން ގުރުއާން ހިތުދަސްކުރާ މީހުން އުމްރާއަށް ފޮނުވުމުގެ މަޝްރޫއެއްވެސް ސަރުކާރުން ވަނީ އިފްތިތާހުކޮށްފަ އެވެ.