ވެލާނާ އިންޓަނޭޝަނަލް އެއާޕޯޓް (ވީއައިއޭ)އަށް ޖެއްސި ޖެޓްތަކުގެ އަދަދު މިދިޔަ އަހަރަށް ވުރެ މިއަހަރު އިތުރުވެއްޖެ އެވެ.
މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން މިއަދު ބުނީ މިދިޔަ އަހަރަށް ވުރެ މިއަހަރު ރާއްޖެއަށް ޒިޔާރަތް ކުރި ޖެޓްތަކުގެ އަދަދު 8 ޕަސަންޓް އިތުރު ކަމަށެވެ.
މިއަހަރުގެ މިހާތަނަށް ރާއްޖެއަށް 148 ޖެޓް ޒިޔާރަތް ކޮށްފައިވާއިރު މިދިޔަ އަހަރުގެ މިހާތަނަށް ރާއްޖެއަށް ޒިޔާރަތް ކުރީ 137 ޖެޓް ކަމަށް އެމްއޭސީއެލް އިން މައުލޫމާތުދެ އެވެ.
ވެލާނާ އިންޓަނޭޝަނަލް އެއާޕޯޓްގައި ޖެޓް ޕާކް ކުރުމަށް 68 ޕާކިން ސްލޮޓް ހަދާފައިވެ އެވެ.
ރާއްޖެއަށް ޒިޔާރަތް ކުރާ ފަތުރުވެރިންނަށް މަރުހަބާ ކިޔުމަށް ފުރިހަމައަށް ތައްޔާރުވެފައިވާ ކަމަށްވެސް އެމްއޭސީއެލް އިން ބުންޏެވެ.
މިދުވަސްވަރަކީ ރާއްޖެއަށް ކޮންމެ އަހަރަކުވެސް އެންމެ ގިނަ ފަތުރުވެރިން އަންނަ ރާއްޖޭގެ ޓޫރިޒަމްގެ އެންމެ ބާރުބޮޑު ދުވަސްވަރެވެ.