ހުޅަނގު އޭޝިއާގެ ގައުމެއް ކަމަށްވާ އަޒަރުބައިޖާންގެ ގައުމީ އެއާލައިން -- އަޒަރުބައިޖާން އެއާލައިންސްގެ ދަތުރުތައް ރާއްޖެއަށް ފަށައިފި އެވެ.
އަޒަރުބައިޖާން އެއާލައިންސް އިން މި ދަތުރުތައް ކުރަނީ އަޒަރުބައިޖާންގެ ވެރިރަށް ބަކޫއިން ވެލާނާ އިންޓަނޭޝަނަލް އެއާޕޯޓް (ވީއައިއޭ) އަށެވެ.
މި އެއާލައިނަށް މަރުހަބާ ކިޔުމަށް އިއްޔެ ބޭއްވި ރަސްމިއްޔާތުގައި އެމްއޭސީއެލްގެ ސީއީއޯ އަދި މެނޭޖިން ޑިރެކްޓަރު އިބްރާހީމް ޝަރީފް މުހައްމަދުގެ އިތުރުން ކުންފުނީގެ އިސްވެރިން ބައިވެރިވި އެވެ.
އަޒަރުބައިޖާން އެއާލައިން އިން ރާއްޖެއަށް ހަފުތާއަކު ދެ ދަތުރުކުރާނެ އެވެ. މި ދަތުރުތަކުގައި ބޭނުންކުރާނީ އެއާބަސް ބީ787 މަރުކާގެ ފްލައިޓެކެވެ.
ރާއްޖޭގެ ޓޫރިޒަމްގެ ޕީކް ސީޒަން ފެށެން ކައިރިވެފައިވާއިރު ޓޫރިޒަމް މިނިސްޓްރީގެ ތަފާސްހިސާބުތައް ދައްކާ ގޮތުން ރާއްޖެއަށް މިހާރު 40 އަށްވުރެ ގިނަ އެއާލައިނުން ދަތުރުކުރެ އެވެ.