ރާއްޖޭގައި ހަށިވިއްކަމުން ދިޔަ ދެ ބިދޭސީ އަންހެނުން ޑިޕޯޓްކޮށްލައިފި އެވެ.
މޯލްޑިވްސް އިމިގްރޭޝަނުން ބުނީ ޑިޕޯޓް ކުރި އެކަކު ރާއްޖެ އައިސް ހުރީ ވޯކް ވިސާގައި ކަމަށެވެ. އަދި ދެވަނަ މީހާ ރާއްޖެ އައިސް ހުރީ ޓޫރިސްޓު ވިސާގައި ކަމަށްވެސް ބުންޏެވެ.
މި ދެ މީހުން އިމިގްރޭޝަންގެ ބެލުމުގެ ދަށަށް ގެންދިޔަ ދުވަހެއް އަދި ޑީޕޯޓްކޮށްލި ވަކި ދުވަހެއްވެސް އިމިގްރޭޝަންއަކުން ނުބުނެ އެވެ.
ޑީޕޯޓްކޮށްލާފައިވަނީ ވިއެޓްނާމްގެ 41 އަހަރުގެ އަންހެނަކާއި 40 އަހަރުގެ އަންހެނެކެވެ.
ރާއްޖޭގައި ހަށިވިއްކަމުން ދިޔަ ބިދޭސީން ހޯދައި އެކި ފަހަރު މަތިން އެފަދަ ބިދޭސީން މިފަހުން ވަނީ ރާއްޖެއިން ފޮނުވާލާފަ އެވެ.