ރައީސުލްޖުމްހޫރިއްޔާ ޑރ. މުހައްމަދު މުއިއްޒު، އެންޓި ކޮރަޕްޝަން ކޮމިޝަންގެ ނައިބް ރައީސް ކަމަށް ރ. އަލިފުށި، ފަސާނާ، އަބްދުﷲ ނާޝިދު މިއަދު އައްޔަންކުރައްވައިފި އެވެ.
އޭސީސީގެ ނައިބް ރައީސް ކަމަށް އަބްދުﷲ ނާޝިދު އައްޔަންކުރަން ފެންނަ ކަމަށް ރައްޔިތުންގެ މަޖިލީހުން އިއްޔެ ފާސްކުރީ 69 މެންބަރުންގެ އިއްތިފާގުންނެވެ.
އޭސީސީގެ ނައިބް ރައީސް ކަމަށް އައްޔަންކުރަން ރައީސް މުއިއްޒު ވަނީ އެ ކޮމިޝަންގެ މެންބަރު އަހްމަދު ނާޝިދުގެ ނަންވެސް ކުރިން ހުށަހަޅުއްވާފަ އެވެ. ނަމަވެސް ފަހުން އެ ނިންމުން ބަދަލު ކުރައްވާ އޭސީސީގެ ނައިބް ރައީސްގެ މަގާމަށް އަބްދުﷲ ނާޝިދު އައްޔަންކުރަން ނިންމެވީ އެވެ.
އޭސީސީގެ މެންބަރު ކަމަށް އަބްދުﷲ ނާޝިދު އާއި އަހްމަދު ނާޝިދު އައްޔަންކުރެއްވީ މިދިޔަ ޖެނުއަރީ މަހު އެވެ.
