ރާއްޖޭގެ ހަ ރަށެއްގައި މިސްކިތް އިމާރާތްކުރުމުގެ މަސައްކަތް ރޯދައިގެ ފަހުން ފަށަން ނިންމައިފި އެވެ.
އިސްލާމިކް މިނިސްޓްރީން ބުނެފައިވަނީ މި މަޝްރޫއުތަކަކީ ސަރުކާރުގެ ހަރަދުގައި ކުރިއަށް ގެންދެވޭ މަޝްރޫއުތަކެއް ކަމަށެވެ.
މި މިސްކިތްތައް ނިމޭއިރު ސޯލާއާއި އޭސީ ހަރުކުރެވި ނެވިލޯން ވެސް އަޅާނެ ކަމަށާއި މިސްކިތްތައް ޑިޒައިންކޮށްފައިވާނީ ކޮންމެ މިސްކިތެއްގައި ވެސް ގުރުއާން ކިޔަވައިދެވޭ ގޮތަށް ކްލާސް ރޫމާއެކު ކަމަށް އިސްލާމިކް މިނިސްޓްރީން ބުނެފައިވެ އެވެ.
މިސްކިތް އިމާރާތްކުރާ ރަށްތައް
- އއ. ރަސްދޫ
- އދ. ފެންފުށި
- ފ. ފީއަލި
- ގދ. މަޑަވެލި
- ހއ ބާރަށް
- ތ. ވޭމަންޑޫ
އިސްލާމިކް މިނިސްޓްރީން ބުނި ގޮތުގައި އިމާރާތްކުރަނީ 300 މީހުން، 500 މީހުން އަދި 700 މީހުންނަށް ނަމާދު ކުރެވޭ ސައިޒުގެ މިސްކިތްތަކެވެ.
