މާފަންނު ބޮޑުގެ" ވަގުތީ މިސްކިތް ހުރި ތަނުގައި ޒަމާނީ ފެންވަރުގެ ތިން ބުރީގެ މިސްކިތެއް އެޅުމަށް ނިންމާފަ އެވެ.
އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މިއަދު ވިދާޅުވީ މި މިސްކިތް އަޅާނީ ޤުރުއާނުގެ އިލްމު އުނގަންނައިދެވޭ ގޮތަށް ކްލާސް ރޫމާއި ލައިބްރަރީވެސް ހިމަނައިގެން ކަމަށެވެ.
ރަމަޟާން މަހުގެ ފަހުން ވަގުތީ މިސްކިތް ތަޅާލައި އާ މިސްކިތުގެ އެޅުމުގެ މަސައްކަތް ފަށާނެ ކަމަށްވެސް ޝަހީމް ވިދާޅުވި އެވެ.
"މި މިސްކިތް އަޅަނީ މިނިސްޓްރީއާ ހެޔޮ އެދޭ ފަރާތްތަކެއް ގުޅިގެން،" ޝަހީމް އިތުރަށް ސާފުކޮށްލަ ދެއްވި އެވެ.
ނިމިގެން ދިޔަ 2024 ވަނަ އަހަރު މުޅިން އަލަށް ތިން މިސްކިތެއް ހުޅުވިއިރު މީގެތެރެއިން ދެ މިސްކިތަކީ އަމިއްލަ ފަރާތަކުން ބިނާކޮށްފައިވާ މިސްކިތްތަކެވެ.
އިސްލާމިކް މިނިސްޓްރީން މިދިޔަ އަހަރު ވަނީ އިތުރު 9 މިސްކިތެއް ބިނާކުރުމަށް އަމިއްލަ ފަރާތަކަށް ހުއްދަ ދީފަ އެވެ. މީގެތެރޭގައި ހިމެނެނީ މާލެ ސަރަހައްދުގައި ބިނާ ކުރާ ފަސް މިސްކިތާއި އަތޮޅުތަކުގައި ބިނާކުރާ 4 މިސްކިތެވެ
