ކިލޯއަކަށް ވުރެ ގިނަ މަސްތުވާތަކެއްްޗާ އެކު މާލެ އިން ތިން މީހަކު ހައްޔަރުކޮށްފި އެވެ.
މި އޮޕަރޭޝަންގައި ހައްޔަރުކޮށްފައިވަނީ ސ. މަރަދޫފޭދޫ / ނަސީމީގެ، މުހައްމަދު ޝާނީޒް (46 އ) އާއި، މ. ސައިރިއަސް، މުހައްމަދު ތިބާގް (39 އ)ގެ އިތުރުން ވ. ރަކީދޫ / ޖަންބުގެ، ފަރީދާ އަބްދުއްރަހްމާން (35 އ) އެވެ.
މި ތިން މީހުން ހައްޔަރުކުރީ ފުލުހުންގެ ކައުންޓަ ނާކޮޓިކްސް އިންޓެލިޖެންސަށް ލިބުނު މައުލޫމާތަކާ ގުޅިގެން މާލޭގައި އިއްޔެ ކުރިއަށް ގެންދިޔަ ހާއްސަ އޮޕަރޭޝަނެއްގެ ތެރެއިން މާފަންނު ގެއެއްގެ އެޕާޓްމަންޓެއް ބަލައި ފާސްކުރުމަށްފަހު އެވެ.
އެ ތަނުން ފެނުނު މަސްތުތަކެތީގެ ވަގުތީ ބަރުދަން 1.5 ކިލޯއަށް ވުރެ ގިނަ ކަމަށް ފުލުހުން ބުންޏެވެ.
މިމައްސަލައިގައި ހިމެނޭ ތިން މީހުންގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން ތިބާގު އާއި ފަރީދާގެ ބަންދަށް ކޯޓުން ވަނީ 15 ދުވަސް ދީފަ އެވެ. އަދި ޝާނީޒްގެ ބަންދަށް ކޯޓުން ވަނީ ފަސް ދުވަސް ދީފަ އެވެ.
ފުލުހުން ބުނީ މިމައްސަލަ އަދިވެސް އިތުރަށް ތަހުގީގު ކުރަމުންދާ ކަމަށެވެ.
