ދިވެހި އިންޑިއާގެ ގުޅުން

އަސާސީ މުދަލުގެ ކޯޓާ އިންޑިއާއިން އިތުރުކޮށްދީފި

ތިލަފުށީގައި އިމާރާތް ކުރާ ސާމާނުގެ ތަކެތި ބަހައްޓާފައި ހުރި ތަނެއްގެ ކައިރިން ވެހިކަލް ދުއްވާފައި ދަނީ -- ފޮޓޯ: އަވަސް
0%
0%
0%

ރާއްޖެ އާއި އިންޑިއާ ދެމެދު އޮންނަ ޒަމާންވީ ގުޅުމުގެ ތެރެއިން އަބަދުވެސް އާކޮށްކޮށް ތިބޭ އެއްބަސްވުމުގެ ދަށުން އިންޑިއާ އިން ރާއްޖެއަށް އެތެރެކުރާ ކާޑާއި އަސާސީ އެހެން ބާވަތްތަކުގެ ކޯޓާ ރާއްޖެއަށް އިތުރުކޮށްދީފި އެވެ.

ދެ ގައުމުގެ ދެމެދުގައި މި އެއްބަސްވުން ހަދާފައި އޮންނަނީ 1981 ވަނަ އަހަރުން ފެށިގެންނެވެ.

އިންޑިއާ ހައި ކޮމިޝަނުން ނެރުނު ބަޔާނުގައި ބުނީ މިހާރު އިތުރުކޮށްދީފައިވާ ކޯޓާގެ އަދަދަކީ މި އެއްބަސްވުމަށް އަމަލުކުރަން ފެށި ފަހުން މިހާތަނަށް އިތުރުކޮށްދޭ އެންމެ ބޮޑު އަދަދު ކަމަށެވެ.

ކޯޓާ އިތުރުކޮށްދީފައިވަނީ މިމަހުގެ އެއްވަނަ ދުވަހުން ފެށިގެންނެވެ.

ހައި ކޮމިޝަނުން ރާއްޖޭގައި އެންމެ ބާރަށް ކުރިއަރަމުން ދަނީ ކޮންސްޓްރަކްޝަން ދާއިރާ ކަމަށްވާތީ ވެއްޔާއި ގާ ފަދަ ތަކެތިން 30 ޕަސެންޓް އިތުރުކޮށްދީފައިވާ ކަމަށެވެ. މިބަދަލާ އެކު ރާއްޖެއަށް އެފަދަ ސާމާނުގެ 1.3 މިލިއަން މެޓްރިކް ޓަނު އެތެރެކުރެވޭނެ އެވެ.

މީގެއިތުރުން ފިޔާ، އަލުވި، ބިސް އަދި ހަކުރާއި ފުށް ފަދަ ސާމާނުގެ ކޯޓާ ފަސް ޕަސެންޓަށް އިތުރުކޮށްދީފައިވެ އެވެ. އަދި މުގު އެތެރެކުރެވޭ މިންވަރު 56 ޕަސެންޓަށް އިތުރުކޮށްދީފައިވެ އެވެ.

Send us your opinion
މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!
April
SunMonTueWedThuFriSat
303112345678910111213141516171819202122232425262728293012345678910