ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ވެރިކަމުގައި ގައުމަށް ލިބެނީ ގެއްލުން ކަމަށާއި މިކަމުން މިންޖުވާންޖެހޭ ކަމަށް ކުރީގެ ހޯމް މިނިސްޓަރު އަދި އަދާލަތު ޕާޓީގެ ރައީސް އިމްރާން އަބްދުﷲ ވިދާޅުވެއްޖެ އެވެ.
ސޯޝަލް މީޑިއާގައި ކުރެއްވި ޕޯސްޓެއްގައި އިމްރާން ވިދާޅުވީ ރައީސް މުއިއްޒު ވެރިކަމުގައި ހުންނަވާ ކޮންމެ ދުވަހަކު އެތައް ގެއްލުމެއްވާ ކަމަށެވެ.
"ރައީސް މުއިއްޒު ވެރިކަމުގައި ހުންނަވާ ކޮންމެ ދުވަހަކީ މުޅި ދިވެހި ދައުލަތާއި ދިވެހި ރައްޔިތުންނަށް އެތައް ގެއްލުމެއްވާ ދުވަހެއް.، މިކަމުން ދިވެހިން މިންޖުވާން އެބަ ޖެހޭ،" އިމްރާން ވިދާޅުވި އެވެ.
އިމްރާން ވަނީ ކުރީގެ ރައީސް އިބްރާހީމް މުހައްމަދު ސޯލިހުގެ ވެރިކަމުގައި ހޯމް މިނިސްޓަރުކަން ކުރައްވާފަ އެވެ.
އޭގެ ފަހުން ނިމިދިޔަ 20 ވަނަ ރައްޔިތުންގެ މަޖިލިސް އިންތިހާބުގައި މަކުނުދޫ ދާއިރާއަށް ވާދަ ކުރެއްވި އެވެ.
