ރައީސް އަބްދުﷲ ޔާމީން، އިންޑިޔާގެ ނިއުދިއްލީއަށް މިއަދު ވަޑައިގެންފި އެވެ. މިއަދު މެންދުރުފަހު ނިއު ދިއްލީއަށް ރައީސް ވަޑައިގެންނެވުމުން އެމަނިކުފާނަށް މަރުހަބާ ދެންނެވީ އެ ގައުމުގެ މިނިސްޓަރު އޮފް ޓޫރިޒަމް އެންޑް ކަލްޗާ މަހޭޝް ޝަރުމާ އާއި މިނިސްޓަރު އޮފް ސޭޓް އޮފް ސިވިލް އޭވިއޭޝަން އެވެ.
އެމަނިކުފާނުގެ މި ދަތުރުފުޅުގައި، އިންޑިޔާގެ ރައީސާއި އަދި ބޮޑުވަޒީރުގެ އިތުރުން އިންޑިޔާގެ އެކްސްޓާނަލް އެފެއާޒް ގެ މިނިސްޓަރާއި ބައްދަލުކުރެއްވުމަށް ވަނީ ހަމަޖެހިފަ އެވެ.
މި ދަތުރުފުޅުގައި، ރައީސްގެ އަރިހުގައި މިނިސްޓަރު އޮފް ފޮރިން އެފެއާޒް ދުންޔާ މައުމޫންއާއި، މިނިސްޓަރު އޮފް ފިޝަރީޒް އެންޑް އެގްރިކަލްޗަރ ޑޮކްޓަރު މުހައްމަދު ޝައިނީގެ އިތުރުން ރައްޔިތުންގެ މަޖިލީހުގެ ކެލާ ދާއިރާގެ މެމްބަރު އަލީ އާރިފާއި، ހޮޅުދޫ ދާއިރާގެ މެމްބަރު އަލީ މުހައްމަދާއި، ގުރައިދޫ ދާއިރާގެ މެމްބަރު އިބްރާހިމް ރިޒާ ބައިވެރިވެވަޑައިގަންނަވަ އެވެ.
