މިއަހަރުގެ ޤައުމީ އެންޓި ކޮރަޕްޝަން ދުވަހާ ގުޅިގެން “ނަޒާހަތްތެރިކަމުގެ ގައުމީ ވައުދު” ގެ ބިނާއެއް ޏ. ފުވައްމުލަކުގައި ހުޅުވައިފިއެވެ. އެ ބިނާ ބަހައްޓާފައިވަނީ އެރަށު އެއާޕޯޓުގައި އެވެ.
އެންޓި ކޮރަޕްޝަން ދުވަސް ފަހަގަކުރުމަށް މިދިޔަ ބުރާސްފަތި ދުވަހު ފުވައްމުލަކުގައި ބޭއްވި ރަސްމިއްޔާތެއްގައި ބިނާ ހުޅުވައިދެއްވީ މި ބިނާ ހުޅުވައިދެއްވީ ޑެޕިއުޓީ ޓޫރިޒަމް މިނިސްޓަރު ހަސަން ޟިރާރު އެވެ.
ފުވައްމުލަކު އެއާޕޯޓުގައި އެ ބިނާ ބަހައްޓާފައިވަނީ އެތަނަށް ދާ އާންމުންނަށް ފެންނަ ގޮތަށެވެ. އޭސީސީގެ ފަރާތުން މި ބިނާ ހަވާލުކޮށްދެއްވީ ކޮމިޝަނުގެ ރައީސް ހަސަން ލުތުފީއެވެ. އެއާޕޯޓުގެ ފަރާތުން މި ބިނާއާ ހަވާލުވެދެއްވީ އެއާޕޯޓުގެ ފަޔަ އޮފިސަރ އިބްރާހީމް ޔޫސުފެވެ.
މިއަހަރުގެ އެންޓި ކޮރަޕްޝަން ދުވަސް ފާހަގަކުރީ ފުވައްމުލަކުގައެވެ. ދުވަހާއި ގުޅިގެން ބޭޢްވި ޖަލްސާ ރޭ ބާއްވާފައިވާއިރު، އެރށުގައި ވަނީ ތަފާތު އެތައް ހަރަކާތެއް ވެސް ކުރިއަށް ގެންގޮސްފައެވެ. އެގޮތުން އޭސީސީން އިއްޔެ ވަނީ އެރަށުގެ ރައްޔިތުންނަށް ހާއްސަ ދީނީ ދަރުހެއް ވެސް ބާއްވާފައެވެ.
