އިރާގުގެ ރަމާދީއަށް އަނބުރާ ދާން ގަސްދުކުރާ އާންމުންނަށް، އަދި އެ ސަރަހައްދަށް ނުދާން އިލްތިމާސްކޮށްފި އެވެ.
އޮފިޝަލުން ވިދާޅުވާ ގޮތުގައި، އައިއެސްއިން ރަމާދީ ހިސޯރު ކޮށްގެން އުޅުނު ދުވަސްވަރު، ރަމާދީގައި ވަޅުލާފައި ނުވަތަ ތަންތަނުގައި ފޮރުވާފައި ހުރި އެކްސްޕްލޯސިވް ޑިވައިސްތައް ނައްތާލެވުނުކަން އަދި އެއްކޮށް ކަށަވަރު ނުކުރެވޭ ކަމަށެވެ.
އިރާގުގެ ސިފައިން ވެސް ވަނީ ރަމާދީއަށް އާންމުން އަދި ނުދިއުމަށް އެދި ބަޔާނެއް ނެރެފަ އެވެ. އޭގައި ވެސް ބުނަނީ ވަޅުލާފައި ހުރި ބޮން ފަދަ ތަކެތި ގޮވާ ނުރައްކާތެރި ހާދިސާއެއް ހިނގާފާނެ ކަމުގެ ރައްކަަލަށްޓަކައި ކަމަށައި އެފަދަ ހާދިސާތަކެއްގައި އާންމުންގެ ބައެއް މަރުވެފައިވަ ކަމަށެވެ. މީގެ އިތުރުން، އައިއެސް އިން މަގުތަކާއި އިމާރާތްތަކުގައ ގޮވާތަކެތި ފޮރުވާފައިވާ ކަމަށް އޮފިޝަލުން ވިދާޅުވެ އެވެ.
އިރާގުގެ ލަޝްކަރީ ބާރުތަކުން ރަމާދީ އައިއެސްގެ އަތްދަށުން ސަލާމަތްކޮށްފައިވަނީ މިދިއަ ޑިސެމްބަރުގަ އެވެ. ރަމާދީ ހިފި ފަހުން މިދިޔަ ދެ މަސް ތެރޭގައި 10،000 އަށްވުރެ ގިނަ އާންމުން ވަނީ އަނބުރާ ރަމާދީއަށް ގޮސްފައެވެ. އައިއެސްއިން ރަމާދީ ހިސޯރު ކުރުމުން ރެފިއުޖީ ކޭމްޕުތަކުގައި ތިބި އެތަކެއް ހާސް ބަޔަކު ވަނީ ރަމާދީއަށް އަލުން ދިރިއުޅުން ބަދަލްކޮށްފައެވެ.
