އަދީބުގެ ދިފާއީ ހެއްކެއްގެ ގޮތުގައި މައުރީން

ރަސްމީ ހައިސިއްޔަތު ނަހަމަ ގޮތުގައި ބޭނުންކުރި މައްސަލާގައި ކުރީގެ ނައިބު ރައީސް އަހުމަދު އަދީބުގެ ދިފާއީ ހެއްކެއްގެ ގޮތުގައި ކުރީގެ ނައިބު ރައީސް އޮފީހުގެ ޑިރެކްޓަރު އޮފް އެޑްމިނިސްޓްރޭޝަން އައިމިނަތު މައުރީނާގެ ނަން ކޯޓަށް ހުށަހަޅައިފި އެވެ.

މިއަދު ބޭއްވި މި މައްސަލާގެ އަޑުއެހުމުގައި މައުރީންގެ ނަމުގެ އިތުރުން ވެސް ދިފާއީ ހެކިންގެ ގޮތުގައި 13 މީހެއްގެ ނަން އަދީބުގެ ފަރާތުން ވަނީ ކޯޓަށް ހުށަހަޅާފަ އެވެ. ދައުލަތުގެ ފަރާތުން ވެސް ހެކި ވަނީ ހުށަހަޅާފަ އެވެ.

ރަސްމީ ހައިސިއްޔަތު ނަހަމަ ގޮތުގައި ބޭނުންކުރި ކަމުގެ ދައުވާ އަދީބުގެ މައްޗަށް ކޮށްފައިވަނީ "ފިނިފެންމާ" ލޯންޗްކޮޅުގައި ހަރުކުރަން އެ ލޯންޗްކޮޅު ބޭނުންކުރި ކަމުގެ ތުހުމަތުގަ އެވެ. "ފިނިފެންމާ" މައްސަލާގައި އަދީބުގެ މައްޗަށް މި ދައުވާގެ އިތުރުން ޓެރަރިޒަމްގެ ދައުވާ ވެސް ވަނީ އުފުލާފަ އެވެ.

މި މައްސަލާގައި ހެއްކެއްގެ ގޮތުގައި މައުރީންގެ ނަން ހުށަހަޅާފައިވާއިރު، އޭނާގެ ނަން ހުށަހެޅީ ތިން ކަމެއް ސާބިތުކޮށްދިނުމަށެވެ. އެއީ، މިދިޔަ އަހަރުގެ ސެޕްޓެމްބަރު މަހުގެ 27 ވަނަ ދުވަހު އަދީބު އާރަށަށް ދަތުރުކުރުމަށްޓަކައި ލޯންޗެއް ހަމަޖައްސަން މައުރީނަށް އަންގާފައިވާކަން ސާބިތުކޮށްދިނުމަށާއި އެ ރަށަށް ދިޔުމަށް ވަކި ލޯންޗެއް ހަމަޖައްސަން މައުރީނަށް އެންގިކަން ސާބިތުކޮށްދިނުމަށާއި އާރަށަށް ދިޔުމަށް ލޯންޗެއް ހަމަޖައްސަން އުސޫލުގެ ދަށުން އަންގަންޖެހޭ ފަރާތްތަކަށް އަންގާފައިވާކަން ސާބިތުކޮށްދިނުމަށެވެ.

އަދީބުގެ ފަރާތުން ހުށަހެޅި ހެކިން:

އަދީބުގެ ފަރާތުން 13 ހެއްކެއް ހުށަހެޅިއިރު، ދައުލަތުން ހުށަހެޅީ ހަ ހެއްކެކެވެ. ދައުލަތުން ހުށަހެޅި އެއް ހެކި ވަނީ ސިއްރުކޮށްފަ އެވެ.

ދައުލަތުން ހުށަހެޅި ހެކި:

މި ހެކިންގެ ހެކި ބަސް ނެގުން މައްސަލާގެ އަޑުއެހުމެއް މި މަހުގެ 31 ވަނަ ދުވަހު ބާއްވާނެ ކަމަށް ފަނޑިޔާރު ވިދާޅުވި އެވެ.