މިއަދުގެ ވަގުތެއްގައި ގެއްލުނު އިޖިޕްޓް އެއާގެ ފްލައިޓް ފެނިފައިވާ ކަމަށް އެގައުމުން ބުނެފި އެވެ.
އެއާލައިންސް އިން ދާދި ދެންމެ ނެރުނު ޓްވީޓަކުން މިކަން ވަނީ ކަށަވަރު ކޮށްދީފަ އެވެ. އެއާލައިންސް އިން ބުނާ ގޮތުގައި ފްލައިޓް ފެނިފައި ވަނީ ގްރީސްގެ ކާޕަތޯސް އައިލެންޑުންނެވެ. ފްލައިޓުގެ ގިނަ ބައިތަކެއް މިހާރު ވަނީ ގްރީސްގެ އެކި ޖަޒީރާ ރަށްރަށުން ފެނިފަ އެވެ،
މިސުރުގެ ސިވިލް އޭވިއޭޝަން މިނިސްޓަރު ވިދާޅުވީ މިއީ ޓެރަރިސްޓު ހަމަލާއެއް ކަމަށް ބެލެވޭ ކަމަށާޢި ނަމަވެސް ވަކި ގޮތެއް ޔަގީންވާނީ ބޯޓްގެ ބްލެކް ބޮކްސް ހޯދިގެނެވެ.
ގްރީސްގެ ޑިފެންސް މިނިސްޓަރު ވަނީ ފްލައިޓު ވެއްޓުމުގެ ކުރިން ދެފަހަރު އަނބުރާލާފައިވާ ކަމަށް ކުރިން ވިދާޅުވެފަ އެވެ. ޕާނޯސް ކަމެނޯސް ވިދާޅުވީ އެއާބަސް އޭ320 ފުރަތަމަ ފަހަރު ވާތަށް ދެން ދެވަނަ ފަހަރަށް ކަނާއަތަށް އަޅާލިކަމަށާއި އެއަށް ފަހު ވަނީ ރާޑަރުން ގެއްލިފައިވާ ކަމަށެވެ.
މީހުން ހޯދުމުގެ މަސައްކަތުގައި ގްރީސް އާއި މިސުރުގެ ނޭވީ އިން ހަރަކާތްތެރިވަމުންދާ އިރު، އިގިރޭސިވިލާތުގެ ރޯޔަލް އެއާފޯސް އިންވެސް ވަނީ މިމަސައްކަތުގައި ބައިވެރިވެފަ އެވެ.