މިއީ އެއްގޮތަކަށް ވެސް ރާއްޖޭގައި ދިމާވެގެން އުޅޭ މައްސަލައެއް ނޫނެވެ. އެކަމަކު ރާއްޖެއާ ނުވަތަ އަހަރެމެންގެ މުޖުތަމައާ ވެސް ނިކަން ގުޅޭ ވާހަކައެއް ނޫން ހެއްޔެވެ؟ ކިޔަވައިގެން އަންނަ މީހުންނަށް ވަޒީފާ ނުލިބޭ ވާހަކަ އާއި އެމީހުންގެ މުސާރަ ރަނގަޅުނުވެގެން އުޅޭއިރު ގޭންގްތަކަށް ނިސްބަތްވާ ކަންމަތީ ޒުވާނުން އުޅޭތަން މި ފެންނަނީ ވަރަށް އަރާމު މުއްސަނދި ދިރިއުޅުމެއްގަ އެވެ.
ފަހަރެއްގައި ކެމްބޯޑިއާގެ މި ޓީޗަރަކަށް ހިތްވަރުލިބުނީ ދިވެހި މި މުޖުތަމައިންނެވެ. އުމުރުން 62 އަހަރުގެ ޓީޗަރެއް ކަމުގައިވާ މޮއެންގް ސެރީ މި ހަފުތާގައި ހައްޔަރުކޮށްފައި ވަނީ ޓީޗަރެއްގެ ގޮތުގައި ފައްކާކުރި ކެރިއަރުން ލިބޭ އާމްދަނީ ކުޑަކަމުން އެ ކެރިއަރު، ގޭންގްސްޓާ ކެރިއަރަކަށް ބަދަލުކޮށް ހައްދުފަހަނަޅައި ގޮސްފައި ވަނިކޮށެވެ.
އޭނާ ހައްޔަރުކޮށްފައި މި ވަނީ ހަތިޔާރާ އެކު ހިންގާފައިވާ 37 ވައްކަމެއްގެ މައްސަލައިގައި ހޯދަމުންދާތާ ފަސް އަހަރު ފަހުންނެވެ. ކެމްބޯޑިއާގެ ދެކުނު ބިތުގައި އޮންނަ ޕްރޭއި ވެންގަށް ނިސްބަތްވާ މި މީހާ ހައްޔަރުކޮށްފައި ވަނީ 120،000 ގަހަނާ ފޭރިގަނެ ފިހަރާއެއްގެ ސޭޓަކަށް ހަމަލާ ދީފައި ފިލަން އުޅެނިކޮށެވެ.
އެކަމަކު ފުލުހުން ބުނެފައި ވަނީ ގޭންގްސްޓާރަކަށް ބަދަލުވެފައިވާ މުސްކުޅި ޓީޗަރު އަތުލައިގެނުވުމަކީ ނަސީބެއް ކަމަށެވެ. ފުލުހުންނަށް އޭނާ ފެނުނީ ކޮންސްޓްރަކްޝަން ސައިޓެއްގެ ތެރެއިންނެވެ.
ކެމްބޯޑިއާގެ ފުލުހުން ފޯރިމަރަނީ. --ފޮޓޯ:އޭއެފްޕީ