ވިކްޓަރީގެ ކޯޗަކަށް ވެލެންސިއާ އާއި ވީބީގެ ކުރީގެ ކޯޗު ލާސްލޯ ކިސް ހަމަޖައްސައިފި އެވެ.
ރާއްޖެ އައި އެންމެ ކާމިޔާބު އެއް ކޯޗު ހަންގޭރީގެ ކިސް ވިކްޓަރީ އަށް ގެންނަން ނިންމީ އެކުލަބަށް ގެނައުމަށް މިހާތަނަށް މަސައްކަތް ކުރި ނިއުރޭޑިއަންޓްގެ ކުރީގެ ކޯޗު ނިކޮލާ ކަވަޒޮވިޗް ގެނެވޭގޮތް ނުވުމުންނެވެ. އޭނާ ހުރީ އެއް އަހަރުގެ ސަސްޕެންޝަނެއްގަ އެވެ.
ކިސް މިއަދު ބުނީ އޭނާ ވިކްޓަރީ އަށް އަންނަން ނިންމީ ދިވެހި ފުޓްބޯޅަ އަށް އެހީވާން ބޭނުންވާތީ ކަމަށެވެ.
"ކޯޗު ރާއްޖެ އަންނަން ބޭނުން. ކޯޗު ދެރަވޭ ރާއްޖޭގެ ފުޓްބޯޅަ އަށް އެހީތެރިނުވެވޭތީވެ. މި ފުރުސަތު ލިބުމުން ވަރަށް އުފާވެއްޖެ. ވިކްޓަރީ އަކީ ވަރަށް ރަނގަޅު ޓީމެއް،" ކިސް ބުންޏެވެ.
ވިކްޓަރީގެ ޖެނެރަލް ސެކްރެޓަރީ އަލީ ފަޔާޒް ވިދާޅުވީ ކިސް ގެންނަން ނިންމީ މިވަގުތު ލިބެންތިބި ކޯޗުންގެ ތެރެއިން ރާއްޖޭގައި ނަތިޖާ ނެރެފައިވާ ކާމިޔާބު ކޯޗަކަށް ކިސްވާތީ ކަމަށެވެ.
1996 ވަނަ އަހަރު އެންމެ ފުރަތަމަ ރާއްޖެ އައި ކިސް ވަނީ ތިން ފަހަރެއްގެ މަތީން ވެލެންސިއާ އަށް ކޯޗުކޮށްދީ އެކުލަަބަށް ވަރަށް ގިނަ ކާމިޔާބީތައް ހޯދައިދީފަ އެވެ. އޭގެ ފަހުން 2008ގައި ވީބީ އަށް އައިސް އެ ޓީމަށް ދިވެހިލީގާއި އެފްއޭކަޕް ހޯދައިދިނެވެ.
ކޯޗު ކިސް ކުރިއަށް އޮތް ހަފުތާގައި މާލެ އަންނާނެ އެވެ. އޭނާ މާލެ އަންނައިރު ދަރިފުޅު ޗަބާ ކިސް ދިރިއުޅެނީ ރާއްޖޭގެ ކުރީގެ އެއްވަނަ ދުވުންތެރިޔާ ޔަޒްނީ ނަޝިދާއާ ކައިވެނިކޮށް ރާއްޖޭގަ އެވެ.
ކިސް ވެލެންސިއާ އަށް ކަޕް ވިނާސް ކަޕް ކާމިޔާބުކޮށްދިނުމަށްފަހު ތައްޓާއެކު: އަންނަ ހަފުތާގައި އޭނާ މާލެ އަންނާނެ.