- ފެއާ ހުޅުވުން ބުރާސްފަތި ދުވަހު
- ގިނަ އިނާމުތަކެއް ފެއާއިން ލިބޭ
- ފެއާ އޮންނާނީ ނޭޝަނަލް އާޓްގެލަރީގައި
ބުރާސްފަތި ދުވަހު ފަށާ، ވެކޭޝަންސް އެކްސްޕޯގައި ސަން ލޭންޑް ޓްރެވަލް އިން ސިންގަޕޫރުގައި ހަތަރު ދުވަހުގެ ހުރުން ދޭން ނިންމައިފި އެވެ.
ވެކޭޝަން އެކްސްޕޯ އިންތިޒާމުކުރާ ހައިރައިޒް އިން ބުނީ ސަން ލޭންޑް ޓްރެވަލްގެ ސްޓޯލަށް ދިއުމުން މި އިނާމު ލިބުމުގެ މަގު ފަހިވާނެ ކަމަށެވެ.
ވެކޭޝަންސް އެކްސްޕޯ ބާއްވަނީ ނޭޝަނަލް އާޓްގެލަރީގަ އެވެ. މި ފެއާއަށް ގޮސްގެން ގިނަ އިނާމުތަކެއް ލިބުމުގެ މަގު ފަހިވެ އެވެ. މި ފެއާގައި މި ވަނީ 39 ފަރާތެއް ބައިވެރިވެފައިވެ އެވެ.
"ވެކޭޝަންސް އެކްސްޕޯ" ކުރިއަށް ދަނީ މައިގަނޑު ތިން ބަޔަކަށް ބަހާލައިގެންނެވެ. މި ގޮތުން ހިމެނެނީ ގެސްޓް ހައުސް ޒޯން އާއި އެޑްވެންޗާ ބައެއްގެ އިތުރުން އެކްސްކްލޫސިވް ބޫތް ނުވަތަ ސްޓޯލް ތަކެވެ. މި ގޮތުން ގެސްޓް ހައުސް ޒޯންގައި 10 ގެސްޓް ހައުސްއަކުން މިވަނީ ބައިވެރިވެފަ އެވެ. އަދި އެޑްވެންޗާ ބައިގައި ހިމެނޭ މޫދު ކުޅިވަރާއި ޑައިވް ސެންޓަރުގެ ބައިގައި ފަސް ސެންޓަރަކުން ވަނީ ބައިވެރިވެފަ އެވެ. އަދި އެކްސްކްލޫސިވް ބޫތްގެ ބައިގައި 24 ބޫތެއް ހިމެނެ އެވެ.