އެކަޑެމީ އެވޯޑްސްގައި އެންމެ މޮޅު ފިލްމުގެ އެވޯޑާ އެކު ޖުމްލަ 11 އެވޯޑް ކާމިޔާބުކޮށް ރިކޯޑް ހެދި އެޕިކް ހިސްޓޯރިކަލް ޑްރާމާ، "ބެން-ހާ" ގެ ރީމޭކެއް ބޮޑު ބަޖެޓަކާ އެކު މިދިޔަ ހަފުތާ ބަންދުގައި ސިނަމާތަކަށް ނެރުނު ނަމަވެސް ފިލްމު ފްލޮޕްވެއްޖެ އެވެ.
ފުރަތަމަ ދުވަހު ވެސް އުތުރު އެމެރިކާގެ ބޮކްސް އޮފީހުގެ ޗާޓުގެ ފަސް ވަނާގައި ލައްވާލި "ބެން-ހާ" މިހާތަނަށް ލިބިފައި ވަނީ 22 މިލިއަން ޑޮލަރެވެ. މިއީ މަޝްހޫރު ތަރިންނާ އެކު 100 މިލިއަން ޑޮލަރުގެ ބަޖެޓަކުން އުފައްދާފައިވާ ފިލްމެކެވެ.
މި ފިލްމުގައި، ޔަހޫދީންގެ ޕްރިންސް، ބެން-ހާ ގެ ރޯލު ކުޅެފައި ވަނީ ޓީވީ ޑްރާމާ، ބޯޑްވޯކް އެމްޕަޔާގައި ރިޗަޑް ހެރޯގެ ރޯލު ކުޅެގެން މަޝްހޫރުވި އެކްޓަރު ޖެކް ހަސްޓޮން އެވެ. ޝައިހް އިލްޑެރިމްގެ ރޯލު ކުޅެފައި ވަނީ މަޝްހޫރު މޯގަން ފްރީމަން އެވެ.
ފުރަތަމަ ހަފުތާއާ އެކު ފިލްމުގެ ވިޔަފާރި އަޑިއަޅާލާފައިވާއިރު ފާޑުކިޔުންތެރިންގެ ހަމަލާތަކުން ވެސް މި ފިލްމު ވަނީ ސަލާމަތްނުވެވިފަ އެވެ.
މި ފިލްމު ޑައިރެކްޓްކޮށްފައި ވަނީ އެންޖެލީނޯ ޖޯލީ ލީޑް ރޯލު ކުޅެފައިވާ އެކްޝަން ފިލްމު "ވޯންޓެޑް" ގެ ޑައިރެކްޓަރު ޓިމޫރު ބެކްމެމްބެޓޯވް އެވެ. ކަޒާކް-ރަޝިއަން މި ޑައިރެކްޓަރުގެ މަޝްހޫރު އެހެން ފިލްމުތަކަށް ބަލާއިރު އެންމެ ފާހަގަކޮށްލެވެނީ 2004 ވަނަ އަހަރު ގެނެސްދިން "ނައިޓް ވޮޗް" އާއި އޭގެ ސީކުއެލް "ޑޭއި ވޮޗް" އެވެ.
މިއީ އެމެރިކާގެ ލިޔުންތެރިޔާ އަދި ގާނޫނީ ވަކީލެއް ކަމުގައިވާ ލުވިސް ވޮލެސް މަޝްހޫރު ވާހަކަ "ބެން-ހާ: އަ ޓޭލް އޮފް ދަ ކްރިސްޓް" ގެ އަސްލަށް ގެނެސްދިން ފަސް ވަނަ ފިލްމެވެ. އެންމެ ކުރިން ގެނެސްދީފައި ވަނީ ސައިލެންޓް ދެ ފިލްމެވެ. އެއަށް ފަހު 1959 ވަނަ އަހަރު ވިލިއަމް ވައިލާ ޑައިރެކްޓްކޮށް ނެރުނު ފިލްމަކީ އަދިވެސް ހޮލީވުޑްގެ ކްލެސިކެކެވެ. އެ ފިލްމަކީ އޭރަށް ބަލާއިރު އުފެއްދި އެންމެ ބޮޑު ފިލްމުވެސްމެ އެވެ.
ފިލްމުގައި ތަމްސީލުކޮށްދޭ އަސްގާޑިޔަލުގެ ކުރިމަތިލުމަކީ ހޮލީވުޑް ސިނަމާގެ އެންމެ މަޝްހޫރު ސީންތަކުގެ ތެރެއިން ސީނެކެވެ.
މި ފިލްމު ޑައިރެކްޓްކޮށްފައި ވަނީ އެންޖެލީނޯ ޖޯލީ ލީޑް ރޯލު ކުޅެފައިވާ އެކްޝަން ފިލްމު "ވޯންޓެޑް" ގެ ޑައިރެކްޓަރު ޓިމޫރު ބެކްމެމްބެޓޯވް އެވެ. ކަޒާކް-ރަޝިއަން މި ޑައިރެކްޓަރުގެ މަޝްހޫރު އެހެން ފިލްމުތަކަށް ބަލާއިރު އެންމެ ފާހަގަކޮށްލެވެނީ 2004 ވަނަ އަހަރު ގެނެސްދިން "ނައިޓް ވޮޗް" އާއި އޭގެ ސީކުއެލް "ޑޭއި ވޮޗް" އެވެ.
މިއީ އެމެރިކާގެ ލިޔުންތެރިޔާ އަދި ގާނޫނީ ވަކީލެއް ކަމުގައިވާ ލުވިސް ވޮލެސް މަޝްހޫރު ވާހަކަ "ބެން-ހާ: އަ ޓޭލް އޮފް ދަ ކްރިސްޓް" ގެ އަސްލަށް ގެނެސްދިން ފަސް ވަނަ ފިލްމެވެ. އެންމެ ކުރިން ގެނެސްދީފައި ވަނީ ސައިލެންޓް ދެ ފިލްމެވެ. އެއަށް ފަހު 1959 ވަނަ އަހަރު ވިލިއަމް ވައިލާ ޑައިރެކްޓްކޮށް ނެރުނު ފިލްމަކީ އަދިވެސް ހޮލީވުޑްގެ ކްލެސިކެކެވެ. އެ ފިލްމަކީ އޭރަށް ބަލާއިރު އުފެއްދި އެންމެ ބޮޑު ފިލްމުވެސްމެ އެވެ.
ފިލްމުގައި ތަމްސީލުކޮށްދޭ އަސްގާޑިޔަލުގެ ކުރިމަތިލުމަކީ ހޮލީވުޑް ސިނަމާގެ އެންމެ މަޝްހޫރު ސީންތަކުގެ ތެރެއިން ސީނެކެވެ.