21 ވަނަ ގަރުނުގެ އެންމެ މޮޅު ފިލްމަކަށް ޑައިރެކްޓަރު ޑޭވިޑް ލިންޗްގެ "މުލްހޯލަންޑް ޑްރައިވް" ހޮވައިފި އެވެ.
އެ ފިލްމަކީ ކާންސް ފިލްމު ފެސްޓިވަލްގައި އެންމެ މޮޅު ޑައިރެކްޝަންގެ އެވޯޑް ކާމިޔާބުކޮށް އޮސްކާގައި އެންމެ މޮޅު ޑައިރެކްޝަންގެ އެވޯޑަށް ނޮމިނޭޓްވެފައިވާ ފިލްމެކެވެ. ފިލްމުގެ ތަރިންނަކީ ޖަސްޓިން ތެރޮކްސް ނެއޯމީ ވޮޓްސް އަދި ލައުރާ ހެރިން އެވެ.
ފާއިތުވި 16 އަހަރުގެ އެންމެ މޮޅު 100 ފިލްމު ހޮވައި މި ލިސްޓްގެ އެއް ވަނަ އަށް "މުލްހޯލަންޑް ޑްރައިވް" ހޮވާފައި ވަނީ ބީބީސީ ކަލްޗާގެ އެޑިޓަރުން ދުނިޔޭގެ އެކި ކަންކޮޅުތަކުން އެކުލަވައިލި 177 ފިލްމު ކްރިޓީކުންގެ މެދުގައި ކުރެވުނު ދިރާސާ އާއި ބަހުސްތަކަކަށް ފަހު އެވެ.
އެމެރިކާގެ ޑައިރެކްޓަރު ލިންޗް 2001 ވަނަ އަހަރު ގެނެސްދިން "މުލްހޯލަންޑް ޑްރައިވް" މި ލިސްޓްގެ އެއް ވަނާގައި އޮތްއިރު 100 ވަނަ އަށް ތިން ފިލްމެއް ހޮވާފައިވެ އެވެ. އެއީ މިއަހަރުގެ ފިލްމެއް ކަމުގައިވާ "ޓޯނީ އާޑްމަން" އާއި 2000 ވަނަ އަހަރުގެ މަޝްހޫރު ފިލްމު "ރެކްއިއެމް ފޯ އަ ޑްރީމް" އާއި 2010 ވަނަ އަހަރުގެ "ކާލޮސް" އެވެ.
މި ލިސްޓްގެ ގަދަ 10 އެއްގައި ހިމެނުނު ފިލްމުތަކަށް ބަލާއިރު މިދިޔަ އަހަރާއި މި އަހަރުގެ ފިލްމެއް އެ ހިސާބުގައި ނެތެވެ. ލިސްޓްގެ ގަދަ 25 ގައި ހިމެނޭ ފިލްމުތަކުގެ ލިސްޓެއް ތިރީގައި މި އޮތީ އެވެ.
ފާއިތުވި 16 އަހަރުގެ އެންމެ މޮޅު 25 ފިލްމު
1- މުލްހޯލަންޑް ޑްރައިވް
2- އިން ދަ މޫޑް ފޯ ލަވް
3- ދެ އާ ވިލް ބީ ބްލަޑް
4- ސްޕިރިޓެޑް އަވޭއި
5- ބޯއިހޫޑް
6- އެޓާނަލް ސަންޝައިން އޮފް ދަ ސްޕޮޓްލެސް މައިންޑް
7- ދަ ޓްރީ އޮފް ލައިފް
8- ޔީ ޔީ: އަ ވަން އެންޑް އަ ޓޫ
9- އަ ސެޕަރޭޝަން
10- ނޯ ކަންޓްރީ ފޯ އޯލްޑް މެން
މި އާދަޔާހިލާފު ލިސްޓެއްގައި ހިމެނިފައިވާ އެހެން ފިލްމުތަކަށް ބަލާއިރު އެންމެ ފަހުން އޮސްކާ އެވޯޑް ހާސިލު ފިލްމު "ސްޕޮޓްލައިޓް" ހިމަނާފައި ވަނީ ލިސްޓްގެ 88 ވަނައިގަ އެވެ. ފަހުގެ އެހެން ފިލްމުތަކަށް ބަލާއިރު 19 ވަނާގައި އޮތް "މޭޑް މެކްސް: ފިއުރީ ރޯޑް" އާއި 21 ވަނާގައި އޮތް "ދަ ގްރޭންޑް ބުދަޕެސްޓް ހޮޓެލް" އަދި 2013 ވަނަ އަހަރުގެ މޮޅު ފިލްމު "12 އިޔާސް އަ ސްލޭވް" ފާހަގަކޮށްލެވެ އެވެ.