މިއީ އަވަސް ވީކެންޑްގެ "އަންހެނުން ސެގްމަންޓް" ގައި ގެނެސްދޭ ނުވަ ވަނަ މެހްމާނެވެ. ހުނަރުވެރި މިނިވަން އަންހެނުން ބާރުވެރިކުރުވާ މި ސިލްސިލާ އެނބުރި މި އަންނަނީ ރޯދަ މަހުގެ މެދުކެނޑުމަކަށް ފަހު އެވެ. ކުރިން ކޮންމެ ހުކުރު ދުވަހަކު ގެނެސްދިން މި ސިލްސިލާގެ ކުރު އެޕިސޯޑްތައް ކިޔުންތެރިންނާއި ބެލުންތެރިންނާ ހަމަ އަށް ދެން އަންނާނީ ކޮންމެ ހޮނިހިރު ދުވަހެއްގަ އެވެ.
މިފަހަރުގެ މެހްމާނަކީ ވެސް ސަޅި، ހުނަރުވެރި އަދި ބާރުވެރި އަންހެނެކެވެ. ފެޝަން ޑިޒައިނަރު އަދި ސްޓައިލިސްޓެއްގެ ގޮތުގައި ވެސް މަސައްކަތްކުރަމުން އަންނަ ޒުވާން ނޫރާ ރަޝީދެވެ. އާޓާއި ފެޝަންގެ މާ ބޮޑު މަންޒަރެއް ކުރެހެން ނެތް މި މުޖުތަމައެއްގައި ނޫރާ ކިޔައިދޭން ބޭނުންވާ ވާހަކަ އާއި ދައްކަން ހުރި ވާހަކަތައް ވަރަށް ވެސް ގިނަ އެވެ.
ތިރީގައި މި އޮތީ އޭނާގެ ހާއްސަ އިންޓަވިއު އެވެ.
