ޖުމްހޫރީ ޕާޓީގެ (ޖޭޕީ) ގެ ލީޑަރު ގާސިމް އިބްރާހިމް ސްރީލަންކާގެ ރައީސް މައިތިރްޕާލާ ސިރިސޭނާއާ މިއަދު ބައްދަލު ކުރައްވައިފި އެވެ.
ސިރިސޭނާ އާއި ގާސިމް ބައްދަލު ކުރެއްވީ ރާއްޖޭގެ ސިޔާސީ މަސްރަހާބެހޭ މައުލޫމާތު ބައިނަލް އަގުވާމީ ޑިޕްލޮމޭޓުންނާ ހިއްސާ ކުރަން ޖޭޕީ އާއި އެމްޑީޕީގެ ގުޅިފައިވާ އިސް ވަފުދެއްގައި މދިިއަ ބުރާސްފަތި ދުވަހު ސްރީލަންކާއަށް ވަޑައިގަތުމަށްފަހު އެވެ.
ގާސިމާއި ސިރިސޭނާގެ ބައްދަލުވުމުގައި ރާއްޖެ ސިޔާސީ މަސްރަހުގައި މިހާރު ހިނގަމުންދާ ކަންކަން އޮޅުން ފިލުވައި ދެއްވުމުގެ އިތުރުން ދެ ގައުމުގެ މެދުގައި އޮތް އެކުވެރި ކަމުގެ ގުޅުމުގެ މައްޗަށް ވެސް ބަލައިވައިލެއްވި އެވެ.
ސިރިސޭނާއާ ބައްދަލު ކުރެއްވުން މިއަދަށް ރޭވިފައި އޮތުމުން ޖޭޕީ/އެމްޑީޕީގެ ބޮޑު ހިނގާލުމުގައި އިއްޔެ ގާސިމް ބައިވެރި ވަޑައެއް ނުގަންނަވައެވެ.