ސްޕޭނުގެ ވެލެންސިއާގެ ކޯޗުކަން އިޓަލީގެ ކުރީގެ ގައުމީ ކޯޗު ސެޒާ ޕްރަންޑެއްލީ އަށް ދީފި އެވެ.
ކުލަބުން ބުނީ ޕްރަންޑެއްލީ ކޯޗުކަމުގައި ހުންނާން އެއްބަސްވީ 2018 ވަނަ އަހަރިުގެ ނިޔަލަށް ކަމަށެވެ.
އިޓަލީގެ ގައުމީ ކޯޗުކަން 2010 އިން 2014 ވަނަ އަހަރާ ހަމައަށް އަދާކުރި ޕްރަންޑެއްލީ ވަނީ 2012 ވަނަ އަހަރުގެ ޔޫރޯ ފައިނަލަށް އެ ޓީމު ގެންގޮސްދީފަ އެވެ.
އިޓަލީގެ ގިން ޓީމުތަކަށް ކޯޗުކޮށްދީފައިވާ ޕްރަންޑެއްލީ ވަނީ ތުރުކީގެ ގަލަޓަސަރައީގެ ކޯޗުކަން ވެސް ކޮށްފަ އެވެ.
އުމުރުން މިހާރު 59 އަހަރުގެ ޕްރަންޑެއްލީ އަކީ 2012 ވަނަ އަހަރު އުނާއީ އެމްރޭ އެކުލަބުގެ ކޯޗުކަމުން ވަކިވިފަހުން ވެލެންސިއާ އަށް ހަވާލުވާ އަށް ވަނަ ކޯޗެވެ.
ވެލެންސިއާ މިވަގުތު އޮތީ ސްޕެނިޝް ލީގުގެ ފަހަތުން ތިންވަނާގަ އެވެ. އެއީ ކުޅުނު ހަތް މެޗުން ހަ ޕޮއިންޓާއެކުގަ އެވެ.
ސެޒާ ޕްރަންޑެއްލީ (ކ) ވެލެންސިއާގެ އޮފިޝަލުންނާއެކު