ޕާކްކޮށްފައި އޮތް ޕިކަޕެއްގެ ދަށުގައި ބަހައްޓާފައި ހުރި ޕެޓްރޯލް ފުޅިތަކެއް ފުލުހުން ހޯދައިފި އެވެ.
ފުލުހުން ބުނީ ފާށަނާކިލެގެފާނު މަގުގެ ބާއިންޖީނުގޭ ކައިރީ ޕާކް ކޮށްފައި އޮތް ޕިކަޕެއްގެ ދަށުންް ޕެޓްރޯލް އަޅާފައިވާ ފުޅިތަކެއް ފެނިފައިވާ ކަމަށާއި އެ ފުޅިތައް ފެނުނީ ފުލުހުންނަށް ލިބުނު މަޢުލޫމާތަކާއި ގުޅިގެން ރޭ 11:45 އެހާކަންހާއިރު އެމަގުގައި ޕާކްކޮށްފައި އޮތް ޕިކަޕެއް ބަލައިފާސްކުރިއިރު އެޕިކަޕު ދަށުން ކަމަށެވެ.
އަދި އެ ޕިކަޕު ދަށުން ފެނުނު ކޮތަޅެއް ނަގައި ބަލައި ފާސްކުރިއިރު އެ ކޮތަޅު ތެރެއިން ޕެޓްރޯލް އަޅާފައިހުރި ރާނީ ހުސްކުރި ހަ ފުޅި ފެނުނެވެ. މި މައްސަލަ ދަނީ އިތުރަށް ބަލަމުންނެވެ.