ކުރީގެ ރައީސް މައުމޫން އަބްދުލް ގައްޔޫމް މިސްރަށް ވަޑައިގަތުމަށް ހަމަޖެހިއްޖެ އެވެ. އެމަނިކުފާނު މިސްރަށް ފުރާވަޑައިގަތުމަށް ހަމަޖެހިފައިވަނީ އަންނަ ހޮނިހިރު ދުވަހު އެވެ.
ރައީސް މައުމޫންގެ އޮފީހުން ބުނި ގޮތުގައި ރައީސް މައުމޫން، މިސްރަށް ވަޑައިގަންނަވަނީ އެ ގައުމުގެ ގްރޭންޑް މުފްތީ ޑރ. ޝައުގީ އައްލާމް ދެއްވި ދައުވަތަކަށެވެ.
ރައީސް މައުމޫން ވަޑައިގަންނަވަނީ މިސްރުގައި ބާއްވާ ބައިނަލްއަގްވާމީ ފަތުވާ ޖަލްސާއެއްގައި ބައިވެރިވެވަޑައިގެން ތަގްރީރު ކުރެއްވުމަށެވެ. އެމަނިކުފާނަކީ ފަތުވާއާބެހޭ ބައިނަލްއަގްވާމީ ސެކްރެޓޭރިއެޓްގެ އެންމެ މަތީ މަޖިލީސްގެ މެންބަރެކެވެ.