އަމިއްލަ ނަފުސަށް ގެއްލުންދީ އަމިއްލަ އަށް މަރުވާން މަސައްކަތް ކުރި މީހަކު ސަލާމަތްކޮށް އޭނާ ފުލުހުން ހައްޔަރުކޮށްފި އެވެ.
ފުލުހުން ބުނީ ށ. ފުނަދޫގެ ގެއަކުން ފުލުހުންނަށް ހުށަހެޅި ރިޕޯޓަކާ ގުޅިގެން އެ ގެއަށް ދިޔައިރު 23 އަހަރުގެ ޒުވާނަކު، ވަޅިއެއް ހިފައިގެން އޭނާގެ އަމިއްލަ ގައިގާ ވަޅި އަޅައި މަރުވާން މަސައްކަތް ކުރަމުން ދިޔަ ކަމަށެވެ. ނަސޭހަތް ދީގެން ވެސް ވަޅި ދޫކޮށްނުލުމުން ފުލުހުންގެ މަސައްކަތުން އޭނާގެ އަތުގައި އޮތް ވަޅި އަތުލުމަށް ފަހު އޭނާއަށް ލިބިފައި ހުރި ޒަހަމްތަކަށް ފަރުވާ ދޭން ހޮސްޕިޓަލަށް ގެންދިޔަ ކަމަށް ވެސް ފުލުހުން ބުންޏެވެ.
ފަރުވާއަށް ފަހު ކޯޓު އަމުރެއްގެ ދަށުން އޭނާ ހައްޔަރުކޮށް މިހާރު މައްސަލަ ތަހުގީގު ކުރާ ކަމަށް ފުލުހުން ބުންޏެވެ.