ރާއްޖޭގެ އޮފިޝަލް އެކޮމަޑޭޝަން ގައިޑްގައި އިޝްތިހާރު ކުރަން ރަނުގެ ފުރުސަތެއް

ރާއްޖެއިން ބައިވެރިވާ ހުރިހާ ފެއާއެއްގައި "މޯލްޑިވްސް އެކޮމަޑޭޝަން ގައިޑް" ފެންނާނެ އެވެ. ހަމަ ޔަގީނުންވެސް މިއީ މި ގައިޑުގައި އިޝްތިހާރު ކުރާ ފަރާތްތަކަށް ލިބޭނެ ރަނުގެ ފުރުސަތެކެވެ. މި ގައިޑުގައި އިޝްތިހާރު ކުރުމުގެ ފުރުސަތު މިމަހުގެ 20 ވަނަ ދުވަހުގެ ނިޔަލަށް ވަނީ ހުޅުވާލާފަ އެވެ.

"މި ގައިޑުގައި އިޝްތިހާރު ކުރުމުން ލިބޭނެ އެންމެ ބޮޑު އެޑްވާންޓޭޖަކީ ރާއްޖޭން ބައިވެރިވާ 30 އަށް ބވުރެ ގިނަ ފެެއާއިން މި ގަޑި ފެނުން. މީގެ އިތުރުން ވެސް ރާއްޖޭ އެކި އޮފިޝަލުން ބޭރަށް ކުރާ ދަތުރުތަކުގައި ވެސް މި ގައިޑު ގެންދާނެ،" ރާއްޖޭގެ އޮފިޝަލް ގައިޑު ނެރޭ "ފީލް އިންވެސްޓްމަންޓު" ގެ ޑިރެކްޓަރު އައިޝަތު އަލްމާސް ވިދާޅުވި އެވެ.

ނިމިގެން ދިޔަ ވޯލްޑް ޓްރެވަލް މާކެޓު (ޑަބްލިއުޓީއެމް) ގައި ލޯންޗު ކުރި މޯލްޑިވްސް އެކޮމޮޑޭޝަން ގައިޑަކީ ކުރިން ކުރިން ރާއްޖެ މާކެޓިންގައި ރަސްމީ މެގަޒިންގެ ގޮތުގައި ބޭނުންކުރި "ޑެސްޓިނޭޝަން މޯލްޑިވްސް ގައިޑް" އެވެ. މި މަޖައްލާ ނެރެމުން އަންނަތާ 14 އަހަރު ވަނީ ވެފަ އެވެ.

ފީލް އިންވެސްޓްމަންޓުގެ ޑިރެކްޓަރު އަލްމާސް ވިދާޅުވީ މި ގައިޑްގައި ގެސްޓް ހައުސްތަކާއި ސަފާރީ އަދި ހޮޓާތަކަށް ވެސް އިޝްތިހާރު ކުރުމުގެ ފުރުސަތު ހުޅުވާލާފައިވާ ކަމަށެވެ.

"އިޝްތިހާރު ކުރުމަށް ވަރަށް ރަނގަޅު އަގުތަކެއް ވާނީ ހަމަޖައްސާފަ. މިހާރު 40 ޕަސެންޓުގެ ޑިސްކައުންޓެއްވެސް ލިބޭނެ،" އަލްމާސް ވިދާޅުވި އެވެ.

ބޭރުގެ 10 ބަހަކުން ނެރޭ "މޯލްޑިވްސް އެކޮމަޑޭޝަން ގައިޑް" ނެރުމުގެ އިތުރުން ފީލް އިންވެސްޓްމަންޓުން ދަނީ ހާއްސަ މޮބައިލް އެޕްލިކޭޝަނެއް އަންނަ މަހު ނެރުމަށް ތައްޔާރުވަމުންނެވެ.