ސަދަގާތު ފައުންޑޭޝަނުން ބާއްވާ "ހިތާނީ އުފާ" މާދަމާ ފަށަން ތައްޔާރުވެއްޖެ އެވެ.
އެ ފައުންޑޭޝަނުގެ ފަރާތުން "އަވަސް" އަށް މައުލޫމާތު ދެއްވަމުން ހުސައިން ހަނީފް ވިދާޅުވީ ފަސްޓް ލޭޑީ ފާތުމަތު އިބްރާހިމް ދީދީ އިސް ނަންގަވައިގެން އެ ފައުންޑޭޝަނުން މި އަހަރުގެ ބޮޑު ބަންދާ ދިމާކޮށް ހިންގާ ކުދިން ހިތާނު ކުރުމުގެ ހަރަކާތުގައި ބައިވެރިވުމުގެ ފުރުސަތު މިދިޔަ މަހު 22 ވަނަ ދުވަހަށް ހަމަވި އިރު، އެކަމަށް ބޮޑު ތަރުހީބެއް ލިބިފައިވާ ކަމަށެވެ.
އެގޮތުން 120 ކުދިން ހިތާން އެ މައިޒާންގައި ބައިވެރިކޮށް ހިތާނު ކުރާ ކަމަށާއި ކުރިންވެސް ހަމަޖެހިފައިވާ ގޮތަށް ހިތާނު މައިޒާން މާދަމާ ފަށާނެ ކަމަށެވެ.
"ހިތާނީ އުފާގެ މައިޒާނަށް ވާންޖެހޭ ހުރިހާ ތައްޔާރީތަކެއް މިހާރު ވަނީ ވަރަށް ނިންމާލާފައި. އެހެންކަމުން އަޅުގަނޑުމެން މި ހަރަކާތް މާދަމާ ހުޅުމާލޭގައި ފަށާނަން،" ހަނީފް ވިދާޅުވި އެވެ.
ހިތާނީ އުފާގެ މައިޒާން ބޭއްވުމަށް ހަމަޖެހިފައި ވަނީ ހުޅުމާލޭ ރެހެންދި ސްކޫލުގަ އެވެ. ސަދަގާތް ފައުންޑޭޝަނުން މި ދުވަސްކޮޅަށް އެ ހަރަކާތް ބާއްވަނީ ސްކޫލު ބަންދުވެ ބޮޑު ޗުއްޓީ ފެށިފައިވާތީ އެވެ. އެ