ސަރުކާރުގެ މަސް ކުންފުނި، މިފްކޯއިން ހިންގާ ސިނާއީ ރަށް، ކަނޑުއޮތްގިރީގެ ކާރުހާނާގައި މަސްކަނޑާފައި ހުންނަ ބޮލާއި ކަށި ގަންނާނެ ފަރާތެއް ހޯދަން އިއުލާންކޮށްފި އެވެ.
މިފްކޯއިން ބުނީ މާލެ އަތޮޅު ކަނޑުއޮތްގިރީގައިގެ ކާރުހާނާގައި މަސްކަނޑާއިރު ބާކީވާ ބޮލާއި ކަށިފަތީގެ އިތުރުން އެ ރަށުގެ މަސްކަނޑާތަން ސާފުކުރުމުން ނެގޭ އެހެނިހެން ތަކެތި، އެންމެ މަތީ އަގަކަށް ގަންނާނެ ފަރާތެއް ހޯދަން ބޭނުންވާ ކަމަށެވެ. މި ތަކެތި ގަންނަ ފަރާތަކުން، ކޮންމެ ދުވަހަކު ވެސް އެތަކެތި ގެންގޮސް ތަން ސާފުކުރަން ވެސް ޖެހޭނެ ކަމަށެވެ.
ކަނޑުއޮތްގިރީގެ ކާރުހާނާއިން ލިބޭ ބޮލާ ކަށިފައްޗަށް ޝައުގުވެރިވާ ފަރާތްތަކަށް އަންނަ ބުރާފަތީގައި މައުލޫމާތު ސާފު ކުރުމުގެ ބައްދަލުވުމެއް މިފްކޯގައި ބާއްވާނެ އެވެ. ޕްރޮޕޯސަލް ހުށަހަޅަންޖެހެނީ މި މަހުގެ 12 ވަނަ ދުވަހު އެވެ.
