ރައީސުލްޖުމްހޫރިއްޔާގެ އަނބިކަނބަލުން، މެޑަމް ފާތުމަތު އިބްރާހީމް، ހުޅުމާލޭގެ ރައްޔިތުންނާ މިއަދު ހަވީރު ބައްދަލު ކުރައްވައިފި އެވެ.
ރައީސް އޮފީހުން ބުނީ އެކަމަނާގެ މި ބައްދަލުކުރެއްވުން އޮތީ ހުޅުމާލޭގެ ޣާޒީ ސްކޫލްގައި ކަމަށެވެ. މި ބައްދަލު ކުރެއްވުމުގައި އެކަމަނާ ވަނީ އެކި ބޭފުޅުންނާއި އާއިލާތަކާ ބައްދަލު ކުރައްވާ ހާލު ބައްލަވައި ބައެއްކަންކަން އޮޅުންފިލުއްފާ ހައްދަވާފަ އެވެ.
އަދި މި ބައްދަލުވުމުގައި ފިނޭންސް މިނިސްޓަރާއި ހޯމް މިނިސްޓަރާއި އިކްނޮމިކް މިނިސްޓަރުގެ އިތުރުން އެޗްޑީސީ އާއި ސަރުކާރުގެ އެހެން ބައެއް އިދާރާތަކުގެ ވެރިންވެސް ބައިވެރިވެ ވަޑައިގެންނެވި އެވެ. ނަމަވެސް މި ބައްދަލުކޮށްލުވުމާބެހޭ ތަފުސީލު އާންމުކޮށްފައެއް ނުވެއެވެ.