ދިވެހީންގެ އުފެއްދުންތެރިކަމުގެ ގައުމީ މައުރަޒު 2025ގައި ބައިވެރިވުމުގެ މުއްދަތު އިތުރުކޮށްފި އެވެ.
މި މައުރަޒުގައި ބައިވެރިވުމުގެ ފުރުސަތު ކުރިން ހުޅުވާލީ މިމަހުގެ 31 ވަނަ ދުވަހުގެ ނިޔަލަށެވެ.
ބިޒްނަސް ސެންޓާ ކޯޕަރޭޝަން (ބީސީސީ) އިން ބުނީ މައުޒަރުގައި ބައިވެރިވުމުގެ ފުރުސަތު އަންނަ މަހުގެ 15 ވަނަ ދުވަހުގެ ނިޔަލަށް މިހާރު ހުޅުވާލާފައިވާ ކަމަށެވެ.
މައުރަޒުގައި ބައިވެރިވުމުގެ މުއްދަތު އިތުރުކުރީ ރޯދަ މަހުގެ ފަހު ދިހައެއްގެ އިތުރުން އީދު ޗުއްޓީއާ ދިމާކޮށް ސަރުކާރު ބަންދުވުމުން މައުރަޒުގައި ބައިވެރިވުމުގެ ފުރުސަތު ވީހާވެސް ގިނަ ބަޔަކަށް ދިނުމުގެ ގޮތުން ކަމަށް ބީސީސީ އިން ވަނީ ބުނެފަ އެވެ.
މި މައުރަޒުގައި ބޭނުން އަދަދަކަށް ތަކެތި ބައިވެރި ކުރެވޭ ގޮތް މިހާރު ވަނީ ހަމަޖައްސާފަ އެވެ.
މައުރަޒު އޮންނާނީ މެއި 23 އިން 30 އަށް ހުޅުމާލޭ ސެންޓްރަލް ޕާކްގަ އެވެ.