ސޮސައިޓީ ފޯ ހެލްތު އެޑިޔުކޭޝަން (ޝީ) ގެ ވެލިއުޒް ކްލެރިފިކޭޝަން އެންޑް އެޓިޓިއުޑް ޓްރާންސްފޮމޭޝަން ފޯރަމްގައި ކުރީގެ ރައީސް މައުމޫން އަބްދުލް ގައްޔޫމް ތަގުރީރު ކުރައްވައިފި އެވެ.
އެ ފޯރަމްގައި ވާހަކަފުޅު ދައްކަވަމުން ކީރިތި ރަސޫލާ ދީނަށް ގޮވާލެއްވުމުގައި ގެންގުޅުއްވި އުސޫލުތަކަށް މައުމޫނު އަލިއަޅުވާލެއްވި އެވެ. އެގޮތުން ހިދުމަތް ދިނުމުގައި ހަމަ އުސޫލެއް ގެންގުޅެން ޖެހޭނެ ކަމަށާއި އެންމެ ބޮޑު ހިދުމަތަކީ ދުނިޔެއާއި އާހިރަތުގެ ބާއްޖަވެރިކަން ހޯދޭނެ މަގު ދެއްކެވުން ކަމަށްވެސް ވިދާޅުވި އެވެ.
މި ފޯރަމްގައި މައުމޫން ދެއްވި ތަގުރީރަށް ފަހު ބައިވެރިންގެ ސުވާލާއި ޖަވާބުގެ ފުރުސަތައް ހުޅުވާލި އެވެ. އަދި ގިނަ ބައިވެރިންގެ ސުވާލުތަކަށް މައުމޫން ޖަވާބުދެއްވި އެވެ.