އުތުރު ޔޫރަޕްގައި ބާއްވާ "މަޓްކާ ފެއާ" ގައި ޓްރެވަލް އެޖެންޓުގެ ޖަމިއްޔާ، މޯލްޑިިވްސް އެސޯސިއޭޝަން އޮފް ޓްރެވަލް އެޖެންޓްސް އެންޑް ޓުއާ އޮޕަރޭޓާސް (މަޓާޓޯ) އިން ބައިވެރި ވެއްޖެ އެވެ.
މަޓާޓޯ އިން ބުނީ ފިނެލްންޑުގެ ވެރިރަށް ހެލްސިންކީގައި ކުރިއަށްދާ "މަކްޓާ ނޯޑިކް ޓްރެވަލް ފެއާ 2017" ގައި ރާއްޖޭގެ ނުވަ ކުންފުންޏަކުން ބައިވެރިވެފައިވާ ކަމަށެވެ. މި ފެއާ މެދުވެރިކޮށް ރާއްޖޭގެ ޓްރެވަލް މާކެޓު އިޝްތިހާރު ކުރާނެ އެވެ. އޭގެ ތެރޭގައި ޓޫރިޒަމް ދާއިރާއަށް އަލަށް ތައާރަފުވާ ރިސޯޓުތަކާއި އެކި ޕްރޮޑަކްޓްތައް އިޝްތިހާރު ކުރާނެ އެވެ.
ޓޫރިޒަމް މިނިސްޓްރީގެ އެންމެ ފަހުގެ ތަފާސް ހިސާބުތައް ދައްކާ ގޮތުން، މިދިޔަ އަހަރު ޔޫރަޕުން 575،176 ޓޫރިސްޓުން ޒިޔާރަތް ކޮށްފައިވެ އެވެ. މިއީ މިދިޔަ އަހަރު ޒިޔާރަތް ކުރި 535،969 ޓޫރިސްޓުންނާ އަޅާބަލާއިރު 7.3 ޕަސެންޓް އިތުރު އަދަދެކެވެ.