ނީލަން ފިހާރައިގައި އަލިފާން ރޯވެ ބޮޑުބައެއް އަނދައި ގެއްލުންތައް ވެއްޖެ އެވެ. ނީލަން ފިހާރައިގައި ރޯވި އެނދި ނަމަވެސް މީހަކަށް ގެއްލުމެއް ނުވެ އެވެ.
ނީލަން ފިހާރައިގައި އަލިފާން ރޯވީ މިރޭ ގާތްގަނޑަކަށް 1:00 ޖެހި ތަނާއެވެ. ރޯވެގެން އަނދައިގަތް ވަގުތު އެތަނަށް ދެވުނު މީހުންނާ ހަވާލާދީ އެ ސަރަހައްދުގައި ތިބި ބައެއް މީހުންބުނީ އަލިފާން ރޯވި ވަގުތު ބާރުގަދަ ގޮވުމެއްގެ އަޑުފައްގަނޑުވެސް އިވުނު ކަމަށެވެ.
ގިނަ އަދަދެއްގެ ބާ މުދާ ބަހައްޓާފައިވާ އެ ސަރަހައްދުގައި ރޯ ވި އިރު އަލިފާން ނިއްވުމަށްޓަކައި ސިފައިންނާއި ފުލުހުންނާއި ބައެއް އާނމުން މަސައްކަތް ކުރަމުން އެބަ ދެ އެވެ. އަލިފާންގަނޑު މިހާރު ވަނީ ކޮންޓްރޯލްކޮށްފައެވެ.
މިރޭ އަލިފާން ރޯވީ ނީލަން ފިހާރާގައި ބާ ދަގަނޑާއި ލަކުޑި އާއި ޓިނު ޖަމާކޮށްފައިވާ ބައިގައެވެ. އެބައިގައި ހުރި ބާ މުދަލުގެ ތެރެއިން ބައެއް މުދާ ވަނީ އަނދައިގެން ގޮސްފަ އެވެ.
ނީލަން ފިހާރައަ އާއި ކުނިގޮނޑުފަދަ ތަންތަނަކީ ރާއްޖޭގެ ސިޔާސީ މާހައުލު ހަލަބޮލިވާާ ކޮންމެ ފަހަރަކު އާދަވެ އަލިފާން ރޯވާ ތަންތަނެވެ.