ރާއްޖޭގައި ބޭއްވި އޭޝިއާގެ ސެންޓަރަލް ޒޯން ފިރިހެނުންގެ ވޮލީބޯޅަ މުބާރާތުގެ ފައިނަލުގައި ތުރުކްމުނިސްތާންގެ މައްޗަށް ކާމިޔާބު ހޯދައި، ކިރިގިސްތާން ޗެމްޕިއަންކަން ހޯދައިފި އެވެ.
މިއަދު ހަވީރު ކުޅުނު ފައިނަލު މެޗު ކިރިގިސްތާން ކާމިޔާބު ކުރީ، ތިން ސެޓް އެއް ސެޓުންނެވެ.
މެޗުގެ ފުރަތަމަ ސެޓް ކިރިގިސްތާން ކަމިޔާބު ކުރީ، 25-20 ންނެވެ. ދެ ވަނަ ސެޓް ތުރުކްމުނިސްތާން ކާމިޔަބު ކުރީ 25-21 ންނެވެ. ޖެހިގެން އައި ދެ ސެޓް ކިރިގިސްތާން ކާމިޔާބު ކުރީ، 25-19 އަދި 25- 22 ންނެވެ.
މި ދެ ޓީމު ގުރޫޕް ސްޓޭޖުގައި ކުޅުނު މެޗު، ކަމިޔާބު ކުރީ ތުރުކްމުނިސްތާން އެވެ. މުބާރާތުގެ އެންމެ މޮޅު ކުޅުންތެރިޔަކަށް ހޮވިފައި ވަނީ ކިރިގިސްތާންގެ އުލޫ އޮނެލްބެކް އެވެ.