އެފްއޭއެމްގެ ޓެކްނިކަލް ޑައިރެކްޓަރަކަށް، ކުރިން ރާއްޖޭގެ ވީބީ ސްޕޯޓްސް ކުލަބަށް ކޯޗް ކޮށްދިން ތުރުކީގެ ޖޭން ވަންލީ ހަމަޖައްފި އެވެ.
އެފްއޭއެމްގެ ޖެނަރަލް ސެކްރެޓަރީ ހުސައިން ޖަވާޒު ވިދާޅުވީ، ވަންލީ ޓެކްނިކަލް ޑައިރެކްޓަރަކަށް ހަމައްސަފާއިވާ ކަމަށާއި، ނަމަވެސް އަދި ރަސްމީ ކޮށް އެގްރިމެންޓްގައި ސޮއި ނުކުރާ ކަމަށެވެ. އޭނާ ވިދާޅުވީ ކުރިއަށް ހަފުތާ ތެރޭ ވަންލީއާއެކު ސޮއި ކުރުމުގެ ރަސްމިއްޔާތު ބާއްވަން މަސައްކަތް ކުރަމުންދާ ކަމަށެވެ.
މީގެ ދެ ދުވަހެއް ކުރިން މާލެ އައިސް ވަންލީ މިއަދު ވަނީ މަސައްކަތަށް ނިކުމެފަ އެވެ. އެގޮތުން މިއަދު އޭނާ ވަނީ، އޭއެފްސީ ކަޕްގައި ބެންގަލޫރާ ދެކޮޅަށް، ކުޅޭ މެޗަށް ތައްޔާރު ވަމުންދާ، މާޒިޔާގެ ޕްރެކްޓިސް ބަލައިި އެނަލައިސް ކޮށްފަ އެވެ.
ގަލޮޅު ދަނޑުގައި، ހުރެ، މިއަދު އަވަސްއާ ވާހަކަ ދައްކަމުން، ވަންލީ ބުނީ، އޭނާގެ އެހީތެރިކަން ކުލަބުތަކަށް ވެސް ދޭން ބޭނުންވާ ކަމަށާއި އެގޮތުން، މާދަމާ ބެންގަލޫރު އެފްސީ ކުރާ ޕްރެކްޓިސް ބަލައި، އޭނާ އަށް ފާހަގަ ކުރެވޭ ކަންކަން މާޒިޔާއާ ހިއްސާ ކުރާނެ ކަމަށެވެ.
އޭނާ ވަނީ މާޒިޔާގެ ޕްރެކްޓިސް އަށް ފަހު، މާޒިޔާގެ ކޯޗް ސްކޮލަސްކީއާ ވެސް އެ ވާހަކަ ތައް ހިއްސާ ކޮށްފަ އެވެ.
ވަންލީ ވަނީ، އޭނާގެ ކޯޗް ކަމުގައި، ވީބީ އަށް ދިވެހި ލީގް މިލުކު ކޮށް ދީފަ އެވެ.