އަންނަ ސީޒަންގައި ޓޮޓެންހަމް ހޮޓްސްޕާގެ ހޯމް މެޗުތައް ވެމްބްލީ ސްޓޭޑިއަަމްގައި ކުޅޭ ގޮތަށް ހަމަޖައްސައިފި އެެވެ.
އަންނަ ސީޒަންގައި ޓޮޓެންހަމްގެ ހޯމް މެޗުތައް ވެމްބްލީގައި ކުޅޭ ގޮތަށް ހަމަޖެއްސީ އެ ކްލަބުގެ އާ ސްޓޭޑިއަމްގެ ކޮންސްޓްރަކްޝަން މަސައްކަތް ކުރިއަށް ގެންދިއުމުގެ ގޮތުންނެވެ. ޓޮޓެންހަމް އާ ސްޓޭޑިއަމް އަޅަނީ އެ ކްލަބު މިހާރު ބޭނުންކުރާ ވައިޓް ހާޓް ލޭންއާ ޖެހިގެނެވެ.
މި ސީޒަންގައި ޓޮޓެންހަމް ޗެމްޕިއަންސް ލީގާއި ޔޫރޮޮޕާ ލީގުގައި ކުޅެންޖެހުނު ހޯމް މެޗުތައް ކުޅުނީ ވެމްބްލީ ސްޓޭޑިއަމްގަ އެވެެ. އެކަމަކު ކުޅުނު ހަތަރު މެޗުގެ ތެރެއިން އެ ޓީމު މޮޅުވީ އެންމެ މެޗަކުންނެވެ.
ޓޮޓެންހަމްގެ ޗެއާމަން ޑެނިއެލް ލެވީ ބުނީ ޓޮޓެންހަމްގެ އާ ސްޓޭޑިއަމްގެ ނިމޭއިރު، އެ ސްޓޭޑިއަމް އަކީ ޒަމާނީ ފެންވަރުގެ، ތަފާތު ސްޓޭޑިއަމްއަކަށް ވެގެންދާނެ ކަމަށެވެ.
ޓޮޓެންހަމްގެ އާ ސްޓޭޑިއަމް އަށް 750 މިލިއަން ޕައުންޑް ހަރަދުކުރެ އެވެ. އެކަމަކު އާ ސްޓޭޭޑިއަމްއާއެކު، ގާތްގަނޑަކަށް 3500 ވަޒީފާ އުފެދޭނެ ކަމަށް އެ ކްލަބުން ބުނެ އެވެ.
