ގިނަ އަދަދެއްގެ ކާޑް ހިފައިގެން އަތޮޅުތަކަށް ދަތުރުކުރި ކޮޅުވެއްޓިއެއް ފަރަކަށް އަަރައިފި އެވެ.
އެމްއެންޑީއެފް އިން ބުނީ އެސްޓީއޯއަށް ނިސްބަތްވާ އެ ކޮޅުވެއްޓި ފަރަށް އަރާފައި ވަނީ ރޭ ފަތިހުގެ ވަގުތެއްގައި ކަމަަށާއި ފަރަށް އެރިއިރު އޭގައި 2،000 ބަސްތާ ކާޑް ހުރި ކަމަށެވެ. އެ ކޮޅުވެއްޓި ފަރަށް އެރީ، ހުވަފެންފުށި ކައިރީގައިވާ ފަރަކަށެވެ. އެމްއެންޑީއެފް އިން ބުނީ އެ ހާދިސާގައި އޭގައި ހުރި އެއްވެސް މުދަލަކަށް ގެއްލުން ލިބިފައެއް ނުވެ އެވެ.
އެސްޓީއޯގެ ޓަގްބޯޓެއް ގެންގޮސްގެން އެ ކޮޅުވެއްޓި ފުން ކުރުމުގެ މަަސައްކަތް މިހާރު ފަށާފައިވާ ކަމަށް ވެސް އެމްއެންޑީއެފް އިން ބުންޏެވެ. ރޭގެ ވަގުތެއްގަިއ ވެސް ތިލަފުށީ ކައިރިއަށް ދޯންޏެއް ފަރަށް އެރި އެވެ.