އަންގާރަ ދުވަހު ބަންގްލަދޭޝްއަށް އެރި ތޫފާން މޯރާގެ ސަބަބުން ގިނަ އަދަދެއްގެ މަސްވެރިން ގެއްލިއްޖެ އެވެ. ތޫފާން އަރާނެ ކަމަށް ބަންްގްލަދޭޝްގެ މޫސުމާބެހޭ އިދާރާއިން ލަފާ ކުރުމާއެކު މަސްވެރިން އެނބުރި ބަނދަރަށް އައުމަަށް އެ ގައުމުހެ ސަރުކާރުން އިލްތިމާސް ކުރި އެވެ.
ބަންގްލަދޭޝްގެ މަސްވެރިކަމުގެ ސިނާއަތުގެ މަންދޫބަކު ބީބީސީއަށް ބުނެފައި ވަނީ ތޫފާނުގައި 150 މަސްވެރިން ގެއްލިފައިވާ ކަމަށެވެ.
ބަންގްލަދޭޝްގެ ކަނޑުގެ ސިފައިން ބުނެފައި ވަނީ ގެއްލުނު މީހުން ހޯދައި ސަލާމަތް ކުރަން 15 އުޅަނދެއް ފޮނުވާފައިވާ ކަމަށާއި މިހާތަނަށް ސަލާމަތްކުރެވިފަައި ވަނީ 20 މަސްވެރިން ކަމަށެވެ. އިންޑިއާގެ ކަނޑުގެ ސިފައިން ވަނީ ކަނޑުމަތިން 33 މީހަކު ސަލާމަތްކޮށްފަ އެވެ. ނަމަވެސް އެމީހުންނަކީ މަހަށް ގޮސް އުޅެނިކޮށް ގެއްލުނު ބަޔަކު ކަމެއް ނުވަތަ ތޫފާން އެރި ސަރަހައްދުގެ އެއްގަމުން އޮޔާ ދިޔަ ބައެއް ކަމެއް އަދި އޮޅުމެއް ނުފިލަ އެވެ.
ތޫފާން މޯރާގެ ނަންދީފައިވާ ތޫފާން އެރުމުގެ ސަބަބުން އެންމެ ބޮޑު ގެއްލުމެއް ލިބުނީ ބަންގްލަދޭޝްއާއި މިޔަންމާއާއި ގުޅޭ ސަރަހައްދީ ރޮނގުގެ ކައިރީގައިވާ ސަރަހައްދުތަކަށެވެ. އެ ސަރަހައްދަށް ހިޖުރަ ކޮށްފައިވާ ރޮހިންޔާ މީހުންގެ ފޭލިގެތައް ތޫފާނުގައި ވަނީ ހަލާކުވެފަ އެވެ.
ބަންގްލަދޭޝްގެ އެންމެ ބިންތިރި ސަރަހައްދުތަކުގައި އުޅޭ މީހުންގެ ތެރެއިން 350000 މީހުން ވަނީ ތޫފާން އެރުމުގެ ކުރިން ރައްކާތެރި ހިސާބުތަކަށް ގެންގޮސްފައެވެ. ތޫފާނުގައި އެގައުމުގެ ކޮކްސް ބާޒާރު ނަމަކަށް ކިޔާ ސަރަހައްްދުން 55000 ގެ ހަލާކުވިއެވެ.
ތޫފާން މޯރާ އެރުމުން ބަންގްލަދޭޝްގެ ބަަޔަކު އެހެން ސަރަހައްދަކަށް ދަނީ. ފޮޓޯ: ބީބީސީ